Corpus Van Reenen-Mulder (CRM14): Oorkonde P173p39802

Allen die~ghene die dese lett_en sullen siin ende horen lesen wij henric Mennens scoutit ghesatt van Adame van halmale Jn + der banc van halmale Stas van halmale adaem voers_ henric wernijrs der Jonghe van halmale wouter geerts va_ atte_hoven en_ baudewijn van halmale soen des voers_ stas schepene der voers_ banc Groute met kennisse der waerheyt wet dat hervoermaes . aert volle vercoght heet en_ ov_mits scoutit en_ schepene_ voers_ gnoech ghedaen heet na inhauden der brive daer dese tieghewordighe lett_en doer ghesteken siin . kerstiane van d_ bijst die daer kande dat hy ghecoght hadde . een mudde roggen pagabels pachts en_ maten der stad van sintruden . aen en_ op sine huysinghen met den hoven en_ met allen horen thoe~behoerten . en_ met allen den vorwerden ghecleert en_ ghespecificeert in den lett_en in den~welighen dese tieghewordigen lett_en aen~ghehangen siin . Daer nae soe es comen henric wernijrs voers_ bennen Jaers voer ons en_ heet sich vermeten rechts als naest~geerve des voers_ aerts vollen te quiten dat voers_ mudde roggen na der maniren en_ den rechte der banc voers_ Waer by dat dach ghesat wart kerstiane den copere voers_ na ghewoente der banc . ten weligen daghe die voers_ kerstiaen quam en_ kande den voers_ henric siin naerscap . waer by dat die voers_ kerstiaen dat voers_ mudde roggen opdroech in hant des scoutiten voers_ tot orbere des voers_ henrics en_ dede den voers_ henric goden en_ eerven met menisse von_isse banne en_ allen ghewoenlicheyt der banc voers_ . En_ daer nae soe es comen die voers_ henric en_ heet voer ons ghecant oppenbaer dat hy vercoght heet dat voers_ mudde roggen Jn allen der maniren en_ voghen dat hijt ghequijt heet en_ na inhauden der lett_en voers_ daer dese litt_en doer ghesteken siin . h_en gerarde custers van halmale prijsters die daer tieghe~wordich was en_ kande dat hy dat voers_ mudde roggen ghecoght hadde om een seker sum_e coerns die den voers_ henric na~dat hy kande wale betaelt w_e van + den voers_ h_en gerarde . Waer by dat die voers_ henric der vercop_e dat voers_ mudde roggen opdroech in hant miins scoutiten voers_ tot orbere h_en gerarts voers_ copers en_ dede den voers_ h_en gerarde in den voers_ mudde roggen en_ den onderpant goden en_ eerven behaudelic en elcs recht met menisse des scoutiten von_isse der schepenen en_ banne des vaechts en_ met allen and_e ghewoenlicheyt der banc voers_ en_ niet van rechte achter~ghelaten . waer by dat wij schepene_ voers_ te menisse des scoutiten ghevon_ist hebben dat den voers_ h_en gerarde van + de_ voers_ mudde roggen gnoech gheschijt es . Jn ghetughenisse der waerheyt Soe hebben wij scoutit en_ schepenen der banc voers_ des_ tieghewordig_ lett_en ter beden des voers_ henrics vercopers en_ her gerarts copers onsen ghemeynen sigel aen~ghehangen . Gheg_ in den Ja_e der gheboerten ons H_en . M + . + CCC xCviij Jn die maent van Meye des . + xix dachs