Corpus Van Reenen-Mulder (CRM14): Oorkonde P176p30001

Allen die dese lett_e sullen ansien en_ hore_ / willem van Coni_xhem en_ dangil van + den grauwendriessche scepenen der stad van sintruden groete met bekennisse der wareyt / wet dat vo_e ons es comen jan van + der egghen Ende heet sijns goets willen becant dat hi om en su_me ghelts hem wale betaelt siin / vercocht heet henric vosse brouw_e sesse aude grote jarlix en_ erffelix tzeys te heffene en_ jarlix te hebbene ane en_ op siin h˚ys met der tobehorden dat hi n˚ ten tiden besittende es op den peyspoel tzeghen dat goet her arts greven dat hi cande hem besittende voer voergoet bebordent met vijf + en + twintich a˚der grote sekere_ p_sone_ te sekere_ t_mine_ en_ tiden erfelic te betalene En_ weert dat daer op meer bordene_ vonden worden dan vernoempt es / dat soude die vors_ jan oft bezitt_e des goets oprichte_ welc sesse aude grote jarlix den vors_ henr_ oft den ghene_ dien hi desen tzeys sal ordinere_ vallen sullen en_ werden betaelt te kersmesse en_ sint jans + messe half en_ half / Ende met des_ condicie_ soe heeft die vors_ jan die vors_ sesse aude grote erffelic tot ene_ voer en_ voer voergoet den vors_ henr_ den coep_e gheghicht derre wittelic vertiende daer toe hem alsoe vele meer doende / als mer van voergoede jn + d_ vors_ stad van auden tide ghewoenlic gheweest heeft ghenoech te doende / Gheloevende bi oblligacien sijns / sijnre goie die hi heeft oft hebbe_ mach waer dat die vors_ goie namaels vonden worden tzeys goet te sijnde / altijt den vors_ henr_ oft sin_ nacomelinghe die dene_ tzeys sulle_ besitte_ hoefs vollinghe te doende welken tzeys die vors_ jan sal moeghen bewisen an and_en als goeden pant als der sijne binne_ der vriheyt d_ vors_ stad Jn ghetughenisse des_ l_ren der~welke_ wij scepene_ vors_ te bede_ beyde d_ vors_ p_tien hebben onse p_p__e zeghele doen anhanghen Ghegheve_ jn + den ja_e ons h_en doe mer screef dusent dri + hondertich jn Octobr_ sesse daghe