Corpus Van Reenen-Mulder (CRM14): Oorkonde P176p34501

JN den name goeds amen Et si cont en yghelike di dese brive / Ende dit jnstrument Solen Sijn / Ende horen Dat in den jare ons heren / ducent drie + hondert vire + en + veirtech / En + der derteinder jndictien acht + en + twintech dachs aprils omtrent none / En + der p_ntien Mins Notaris / Ende vore den Scepene_ der stat van Sentruden / als ghetughen / Ende helderen onder gheschreve_ / met mee anderen ghetughen daer touwe gherupe_ Specialech ende ghebeden / staende en Sine_ p_peren p_sone jan Silken / Der selve jan / becande omme ene gherechten vredeleken / Ende weetteghen pays Mi_ne Ende vrede te hebbene / tieghen de h_en . buscopt van ludeke . . abt va_ Sentruden / horen Raet Ende tieghen de stat van Sentruden / Ende tieghen de port_e der selver stat / dat hi hadde / ende heift op~ghegheven gheresigneirt / ende v_teghen oppenbaerlech / volkomelech / mit Sine_ wille / Ende onbedwonghen / Siin Schepen~ambacht ocht schepen~stuel / dwelech Schepe_~ambacht / ocht schepen~stuel hi hilt ende haudende was be_nen der stat / Ende be_nen der vriheit van Sintruden / Ende ne_mermeir na ambacht / als scoutich~ambacht / schepen~stuel / ocht raetma_scap der hogheit der heren / Ende der stat van Sintruden touwe~behorende na te stane ocht te haudene / En ware met c_sente / wille gracie / ende met ghenade der . . h_en / sbuscopts Sabts / Ende der stat van Sentruden voreghenoempt / ghezament / eindrechtelech / Ende niet ghezondert / Ende dat heift ghesworen der selve jan oppe_baerlech ten heyleghen / Ende gheloeft met trouwen / en einre stat van eede als meynedech te zine / Ende trouweloes / Ende op ene_ panden van vitech ponden grot_ tornose der moente_ sconi_x van frankerike ander / dese zake_ weettelech te haudene den h_en / Ende der stat voreghenoempt / ghelich na ghelanch te reykene / Ende te vergheldene / wert dat hi hijr tieghene dade / ocht ghebrechlech woerde voenden / Ende wert dat men home hijr ane beteghe / So mocht hi home onschuldeghen ten heyleghen / Ende zonder arghelijst / Ende en wouder des niet doen So weer hi op te pine / ende op den panden en der maniren voreghenoempt . Jtem vort So gheloefde der selve jan / met trouwen en einre staet van eede / als meynedech te sine / Ende swoer ten heyleghen en allen der vormen / Ende maniren / Ende op den panden voreghenoempt / ne_mermeir met c_sente / wille ocht bewerfenisse / och v_zuken Sijns / tieghen de h_en buscopt . . abt / horen Raet stat van Sentruden / portere der Selver stat / enen / ocht allen di nu Sijn / ocht namals sijn moghen / o_me dese zaken ende poente voreghenoempt / ijt te betiene / te done / te lettene / te krenkene / met bewerfenisse ymans met zine_ touwe~done / Ende op te pine / ende panden en der maniren voreghenoempt / Ende zonder arghelijst / Ende schaut die voreghesede h_en . / Raet / stat / Ende port_e der selver stat / di Sijn / ocht Sijn moghen / vore home selve / Ende vore Siin maghe / Ende vrinde / Ende vore Siin erven / van allen desen zaken / Ende poenten / los / ende altemale quite / Ende dat wettelech / Ende volcomelech en maniren van payze Ende van zonen te haudene / Ende wert dat zake dat mer home van dezen zaken / ocht poenten hiir voreghenoempt in allen / ocht in ene_ dele beteghen / zonder volcomelech / wettech ghetughenisse discret_ heyrzammer wettegher p_sone / So mocht hi home / met Sijns selfs eede ten heyleghen onschuldeghen / ende zonder arghelijst / Ende waer hi des niet en dade op te pine Ende panden voreghenoempt / Ende alle dese zaken voreghenoempt / gheloefde der selve jan / En der hant mins notaris her onder ghescreve_ / en orconde der scepene_ als helderen Ende ghetughen na vo~lghende di dat nam volcomelech / van + den selve_ jan / en maniren van rechte / met Sinre lichghamleker trouwen / en einre stat van eede dese zaken / Ende poente / ocht gheloeftten in allen der vormen Ende maniren voerghenoempt wettelech te haudene / Ende niet daer tieghen te done / noch over~midts home / och ymans anders / met Sine_ wille / c_sente / toudone och bejaghenisse / Ende op te pine / Ende panden voreghenoempt ende zonder arghelijst / Ende v_tegh alle rechte gheystelech ende werelech bedrochghenisse excepcien subtilcheit / generale renu_tiacien / aude vonde / nuwe vonde lett_en / g_tien / p_vilegien te orwervene och die orwerven Siin / Ende alle andre loye / Ende rechte di home hiir tieghen stade mochte_ doen ocht hulpe / Ende den heren / der stat och den port_en onstade / waer bi dat deze voreghenoempde zaken / poente / gheloeften / Ende v_bonde / en allen och en ene_ dele ghebroken woerden gheschoert / ende ghea_nuleirt / Ende o_me ene meirre zekerheit allen der zaken voreghenoempt / So bat di selve jan mich notaris met zine_ p_pere_ wille dat jch hiir op maghde drie jnstrumente van einre tenoren / den buscopt ein / den . . abt ein / Ende der stat van Sentruden voerghenoempt ein / met minen tekene te tekene / Ende te bezyghelen / met sinen c_sente / ende beden / metten zyghelen discreter p_sone willems van + den spighele / Ende ghilis van + den spighele Schepene_ der stat van Sentruden / Ende heldere_ voerghenoempt / en ghetughenisse der waerheit allen der zaken voreghenoempt / Ende wi willem / Ende ghilis schepene_ der stat Ende helderen voerghenoempt / ter beden jans voerghenoempt hebben onse zyghele desen jnstrumente ane~ghehanghen ein metten tekene Snotaris onder~ghescreven en ghetughenisse der waerheit alle_ der zaken voerghesegt Dese zaken ware_ ghedaen be_nen der selver stat van Sentruden op te lopt En tieghenwordechheide discret_ persone jans van hozemont stas van halmale scoutiten / vrints erze_ters / ards Coghelhoyts vorsteren der h_en voerghesegt / clemens louijs / Ende claes froytens ghetughen te desen zake_ gherupen zonderlinghen ende ghebeden jn den jare / Ende in + der jndictien / maent / dachs / ende vre voerghesegt End jch johan peters van Sentruden gheheiten van merwele Prist_e van + den busdom van ludeke van cheylechrics weghen notaris want jch aller der zaken voerghenoempt metten Schepene_ / Ende ghetughen bove_ gheschreve_ ane / Ende bi hebbe gheweest dit jnstrument daer op met c_sente Ende wille jans voreghenoempt hebbe ghemacht / ghezyghelt met zyghele der Scepene_ voerghenoempt / Ende ghetekent met Minen tekene ghebeden .