Corpus Van Reenen-Mulder (CRM14): Oorkonde P176p37501

Al den ghenen die dese l_ren sullen sien ocht horen lesen . . Burghermeest_e Raet en_ al die ghemeyne poert_e der stat van Sintruden werdicheyt met ke_nisse der waerheyt het sij vch kont en_ te wetene / want her + voertijts discort werringhe tweest en_ ghedinge heeft gheweest tusschen onsen Eerwerdighen en_ liven h_e h_en . + zietsen . Abd en_ siin co_vent des Moensters van sintruden sinte bened_ti ordinen Op een zide Ende ons onse poertere en_ die voerschreven stat op die andere zide als van mesdade onghelike smade en_ Confusie die wij ocht eynich van onsen poert_en souden ocht mochten hebben ghedaen ocht begrepen bennen den moenst_e ocht cloest_e van sintruden voers_ En_ va_ and_en zaken ghelijc dat die vors_ ons h_e en_ Convent in ghedinghe voergheleecht hadden En_ heer op met hulpen en_ raede guder lude die daer toe hoeren ernst hebben ghedaen een pays en_ een accort es ghemaeckt in deser voeghen dat wij o_me emende en_ beteringhe te doende den voers_ h_en Abd en_ Co_ve_te van dien smade mesdade onghelike en_ Confusie die h˚n ghedaen es ocht mochte siin binnen den moenst_e ocht cloestere voers_ onder and_e Eere en_ werdicheit die wij hum sullen doen en_ schuldich siin te doende na den voers_ accorden / den voers_ onsen h_e den Abd sullen betalen op den wissel sintruden vief dusentich Cleyne gulden g˚yt van goude en_ van ghewichte / drie dobele Mottone van brabant voer vief gulden gherekent ocht die werde daer af in goeden goude op zeker termine en_ formen ocht maniren die in dien accorde verteelt waren welc accort wij hebben gheloeft en_ gheloven vaste en_ stadich te houden ghelijc dat ordineert es Hier bij eest dat wij burghermest_e en_ ghemeyne poert_e van sintruden in afcorten van dier voers_ su_men hebben gheloeft en_ gheloven en_ jn + yghelijc van ons als p_ncipael te betalen op den wissel voers_ den voers_ onsen h_e den Abd ocht den bringhere deser l_ren met wijlle siins tusschen dit ende sinte johans messe baptisten naest toe~comende een dusent gulden als voers_ siin / Met deser redenen als die dusent gulden betaelt siin dat wij weder sullen hebben desen brief te teeken van quitanche en_ afcorten der voers_ su_men van vijf dusent gulden Voer welke dusent gulden te betalen op dien termijn alst voers_ es wij verbonden willen siin en_ verbenden ons onse gherven naecomen ende onser ende yghelijcs van ons en_ onser gherven g˚de beruerleec en_ onberuerleec ghereet en_ onghereet erve en_ have binnen h˚s ochte buten huys die wij hebben ochte vercrighen moghen op wat stede_ ocht onder wat h_en sij vonden och gheleghen mochten siin Alsoe dat dese obligatie en_ verbont alsoe vaste sij ocht wijse en_ yghelijc van ons ghedaen hadden voer die h_en ocht hove daer die gude onder vonden ocht rurende waren Met sulker voerwerden weert dat niet siin en moete dat wij ghebrekeleec weren op den voerschrevenen termijn te betalen die dusent gulden in der formen voerschreve_ in eenen deele ochte te~male dat van dan voert die voers_ ons h_e die . . Abd ocht bringher deser l_ren met wille sijns sal al daghe moghen verteren op ons en_ op die stat voers_ op elke tweyntich gulden vier aude grote welke cost wij gheloven te betalen ghelijc den principael sonder af~corten En_ liete wij dese cost staen en_ doen een maent lanc En_ niet en betaelden van dan voert soude die Cost dobbel siin / te weten op elke tweyntich gulden achte aude grote te verteren / welke cost met allen anderen schaden die dy voers_ ons h_e die . . Abd ocht bringher dis briefs met wille sijns daeden ocht leden weder met ghedinghe ocht in and_e maniren ons o_me die voers_ schout te vervolghen wij en_ yghelijc va_ ons hebben gheloeft en_ gheloven te betalen tot hoeren simpelen worden sonder meer proefenisse daer Op te doende / Ende vertien in deser zaken alle beschudden rechte liste ofte subtijlhede privilegien ocht brive die wij hier tgeghen mochten voer~legghen oft ons stade mochten doen Ende gheloven met onser truwen in stat van eede dese voerworden wael te houden en_ te volbringhen jn orkonde des meestes zeghels der stat van sintruden voers_ hier ane~ghehanghen / En_ ghegheven in den jare der ghebuerden ons h_en dusentich drie h˚ndertich en_ vive en_ tzeventich in sprokille zes daghe /