Corpus Van Reenen-Mulder (CRM14): Oorkonde P176p37901

In den naeme ons h_en amen / Ich herman wesselere poert_e tsintruden / make k˚ndich allen luyden dat / want ich v˚rtijts tgegen mijnen lieve_ gemynde_ h_e / den Eerwerdichen in goede h_en zyetzen Abdt van Sintruden end sijnen v˚rvaere / gedaen mich gesadt / end hen / schaede moeienisse end kost beraede_ hebbe / dat / want ich mich n˚ bedacht end bat beraeden hebbe / mich ber˚et end leyt is / End gherne mijns lieve_ vurg_ h_en / genaede gracie / gonste / ende vrintscaep / nae al mijnre macht / weder hebben end werven so˚de / dair o_me hebbe ich mich verbonden end verbinde / geloeft end geloeve in g˚eden tr˚wen bij mijnre eeren end sekerheit in eytdstat / in tgegenwerdicheit Snotaris end dier ghetuge_ hier nae bescreven / Vnder mijnen siegele in desen brief end jnstrume_t gehangen / mijne_ lieven h_e v˚rs_ / sijnen Co_vent / end haeren naekomelingen / nu_merm__e tgegen hen / noch haere Scho˚tede_ Scepene / of enyghe and_e haere ambachtzluyde / in enygher saken oft rechte / aenrurende mijnen h_e / sijn co_vent end haere naekomelinge vurg_ / of haeren Staet end heerlicheit / mich te zetten of te doen / sij te croeden of hynderlike te sijn / in enigher wijs heymelike of openbaire / overmitz mich selven / oft and_en van mijne_ wegen / noch den ghene_ die tgegen hen deden / te volghen of te consentieren / Mar / allerweghe haere heerlicheit / rechte / end saken / bynnen der Stat van Sintruden / end anderswaire op allen steeden / te v˚rderen end voirt te zetten / haeren schaede end onrecht te verh˚ede end te wederstaen nae mijnen besten wetene end al mijnre macht / weert oyc sake / dat nyet sijn / en m˚ete / dat ich in enigher maniere_ / mich tgegen hen / haere naekomelinge / oft haere Schoutede_ / Scepene / of enighe and_e haere ambachtzluyde / als vurs_ is / zette of dede / id were wetende oft onwetende / dat sal ich / alsoe balde / alst mich van haeren wegen kont gedaen end verboeden w˚rde te richtz laeten end wederdoen / end mich des h˚eden voirtmeer allerwege / weert oyc / dat ich des nyet en + dede / oft tgegen enighe van + den and_en vurs_ p˚nten queme / end dier nyet en hielde / in alle der manieren v˚rg_ / end dat op mich gepr˚eft end vervolcht / oft anders k˚ndich were end openbaire / soe kenne ich mich met desen selven brieve end jnstrume_t / dair o_me meyneydich end tr˚welos / Hebbe dair o_me gebeden / walraven van elmpt notaris hier nae bescreven dat hij alle dese vurs_ p˚nten end gelaefden bescriven / in formen eyns jnstrumentz end sijn gewoendelike notaris~teken te meere sekerheit / ende vestenisse alle derre saken vurg_ / aen desen brief end jnstrument met mijnen siegele wale besiegelt doen end zetten wo˚de / Geg_ end geschiet tsintruden in Arnts sgreven huyse Scepene tsintruden / in tgegenwerdicheit des selven h_en Arntz / heynrichs burgh_e Scho˚tede / johans van Schoere / ende johans van + den br˚eke poert_e van Sintruden / geth˚gen dair toe gebeden end geroepen . jnt jaire onss h_en dusent drye + hondert tseventich end negen / dertich dage in julio / geheiten he˚maent / End want ich walraven van Elmpt clerke van + den kresaeme van luydike / notaris van macht end gewalt Spaes end Skesers / oever alle dese vurs_ vurwairden p˚nten end geloefden met dien v˚rg_ getughen byn geweest / end die in alle der wijs end manieren als v˚rs_ is / sijn gedaen end geschiet / alse ich volkomelike gehoirt hebbe end wale verstanden / hebbe ich o_me beden hermans wesselers v˚rg_ / dit jnstrument dat met sijnen siegele is besiegelt / selven gescreven / end met mijne_ gewoendeliken tekene gesigniert end getekent in gethugenisse der waerheit / alle_ derre saken end p˚nten vurgenoemt / .