Corpus Van Reenen-Mulder (CRM14): Oorkonde P176p37902

Jch gelijs van + den broeke Scepen van sintruden / make k˚ndich allen luyden / dat / want ich mijns lieven gemynden h_en / h_en zacheus abdtz van sintruden in stathen willems pyckartz den got genedich sij / met hulpen mijns h_en v˚rs_ / gekoeren scepen byn / End sich mijn lieve h_e vurg_ / ontsiende was dat ich met bidden of onsedicheit / vnder den anderen scepene van sintruden mijnen gesellen / discoert end moenisse maken moechte / in saken aenrurende hem sijn recht / of sijne heerlicheit / of eynighe vonnenis / die v˚r mijnen gesellen den scepene gelegen weren / Dair o_me hebbe ich / met mijnen g˚eden m˚etwillen end ombedwongen geloeft end geloeve in g˚eden truwen / end bij den eyde den ich hem hebbe gedaen / weert sake dat ich eynighe discoert of moenis vnder hen makede / als vurs_ is / end ich dair op van mijns lieven h_en vurg_ of sijns scho˚teiden wegen versocht w˚rde des af te sijn / end dat te laeten / in saken die ich met recht v˚r mijnen h_e v˚rg_ of sijnen vrienden / met mijnen gesellen / nyet verantwoirden en konde / End ich des nyet af sijn / noch laten en + wo˚de / dat ich dan mijnen scepenst˚el vurs_ / bynnen vyerteen + nachten daer nae dat ich dair op als is vurs_ / were versocht / slechtz v˚r scepene van sintruden als gewoendelike is sonder eynighe weder~reede mijns / of yemantz van mijnen weghen / op~geven sal / in des orber end behoef / den hij van rechte sal toebehoeren / Oyc / weert sake / dat mijn_ lieve_ h_en v˚rs_ / eynich scepenstuel viele / geloeve ich in g˚eden truwen / den ghenen dair mijnen h_e vurs_ lief toe were / dair toe behulplike te sijn nae alle mijnre macht / jn orkonde derre wairheit / alle des_ p˚ncten vurs_ hebbe ich mijnen siegel an desen brief gehange_ end vrinlike gebeden h_en johanne van d˚ras ridder mijnen lieven h_e / end h_en heynric van den broeke scepen van sintruden mijnen neve dat sij haere siegele met den mijnen / toe meerre sekerheit des_ saken vurg_ aen desen selven brief hangen wo˚den / End wij / johan van d˚ras / end heynric v˚rg_ / o_me beden wille gelijs v˚rs_ / hebbe wij onse siegele / in gethugenis alle derre geloeften end p˚nten vurg_ geschiet als vurs_ is / aen desen brief gehangen / Geg_ jnt jair ons h_en dusent drye + hondert tseventich end negen / des neesten dachs nae sinte symons et sint juden dach / der heiligher Apostolen .