Corpus Van Reenen-Mulder (CRM14): Oorkonde P176p38301

Wy Amilis van lexhi Schepen / ende Amilis sijn wettich soen / nu Scoutit / in + der stat van sintruden doen cont en ygheliken dat ic amilis schepen voers_ ghenomen hebbe te pachte van eersamen en_ bescheydenen p_sonen / Mijnrer vrouwen der abdissen / en_ den Covente / des cloesters van orienten / drie boenre sesse / groete / en_ sevene corte / roeden / luttel meer oft men / ackerens lants / Te hebben en_ te wen_en ov_mijts mj oft mynen boeden tot eenrer ghetoust van twelf jaren sich naest volghende achter~een / daer dat eerste jaer af beghan in die maent van meerte / naest leden voer die date van desen l_ren / te pechters rechte / elc boenre / nae boenrers ghelanck om_e viertyene vaet rogghen pachts van bilrevelt en_ maten va_ sentrude_ Te betalen jaerlix dien voers_ vrouwen abdisse en_ c_ve_te va_ orie_ten / in haren co_vente voers_ oft in + den ghelinte van bilrevelt / daert hem ghevoechghelic es / op cost / voere ende arbeyt mijns amilis scepens voers_ / te sente andries + messe des appostels / welick lant voers_ gheleghen es in dat ghelinte van bilrevelt voers_ tusschen andere lant des cloest_s van orienten voers_ op die ene zide / en_ op die straete daer men gheet ter swertsmeren weert / Ende dese voers_ saken soe gheloven wy amilis schepen en_ amilis sijn soen voers_ wel te doene en_ te hauden / op wilcore ons_ goede die wy nu hebben oft namaels verkrighen moeghen / allen archlisten vertiende en_ vytghesloten / Jn vrk˚nden der waerheyt soe hebben wy amilis en_ amilis voers_ / onse p_pere zighele / aen desen brief ghehanghen / Jnt jaer ons heren . M . + ccc . + lxxxiij xxiiij . daghe in Russelmaent