Corpus Van Reenen-Mulder (CRM14): Oorkonde P176p38802

Wir b˚rg_meyst__e Geswoeren . Goevern_e Raet en_ alle die gemeynte der stat van Sentruden . gemeynlike_ / doin cont en_ kenlic alle_ l˚ide_ diese_ opene_ brief solen sien oft horen lesen / dat want die g˚ede stat van Tricht toebehoerende is / den bisdome van l˚idic en_ den hertochdoeme van braba_t / En_ onse wale ghemy_de en_ lieve gebrued_e Meyst_e . Geswore_ en_ goevern_e der stat van Tricht toebehoerende den bisdome vors_ / ons / besiegelt hebben eyne_ opene_ brief mitte_ groete_ siegele der selver stat va_ Tricht toebehoerende den bisdome vors_ / die vore besiegelt was mitte_ groete_ siegele der stat van L˚idic / en_ na mitte_ siegelen der gued_ stede va_ h˚y . va_ dyna_t van Tong_en . van T˚wijn en_ Covijn / willichs briefs Tenoer en_ Jnhalt hir onder volg_ bescreve_ in walssche_ van woirde te woirde / En_ die gemeyne ambachte der stat va_ Tricht vors_ dar o_me bi~eyn geroepen en_ vergadert voer honre hallen te vers˚eke en_ ter beden . Meyst_ meeus schenke_ . n˚ t_ tijt . ons Meyst_s . en_ sollig_ van + de_ Rade der . Stat van l˚idic en_ and_e synre gesellen . van ons home toegescict / op + den daghe data ons tiegenwerdighen briefs . / vytdroeghe_ / dat + me_ den brief vors_ besiegele_ solde . beheltenisse alle weghen en_ over al bynnen honre stat van Tricht beyde honre h_en / heirlicheiden . en_ honre stat van Tricht vriheyden alden en_ n˚wen en_ honre alder Carten / hir o_me so beken_en wir openboirlike_ mit diesen opene_ brieve / dat diese vors_ p˚ncten . ons selfs . begerden guede meyningen en_ versuecke wore_ en_ sijn . en_ willen lut_like_ sonder argeliste dat beyde der h_en heirlicheiden der stat van Tricht en_ der selver . stat vriheyden alde en_ n˚we en_ die alde Carte vors_ nerge_t vermynret en sole_ sijn noch blyve_ in egheynre + wijns / Mar dat die volcomentliken sonder verbreecke_ . vast en_ stede gehalde_ sole_ werde_ in alle_ honre machte in hoenre stat van Tricht So wye wale die meyst_e Geswore_ en_ Raet vors_ toebehoerende den bisdom den walsschen brief vors_ . besiegelt hebbe_ . jn + der voeghen en_ mit v˚rwarden . voerg_ / Geloeven dar o_me in gueden tr˚wen tieghen die hirlicheyde . vriheyde_ en_ al + de_ Carte_ vors_ / niet te doin . noch dar tieghen te come_ noch niet te s˚eken in eyng_ + wijs . n˚ noch no_mermeir ov_mits ons . of yema_t and_s / dat moght sijn in hindernisse of v_mynre_nisse derre heirlicheyde_ . vriheyde_ / en_ al + der Carte_ vors_ Alle argeliste_ verpele n˚we_ en_ alde_ vonde_ altemoyle vytgescheyde_ / in diese_ sake_ en_ p˚ncte_ vors_ . In Orkonde en_ ke_ne_nisse der woirheit So hebbe_ wir Meyst_e Geswor_ . Goevern_e Raet en_ alle die gemeynte der stat van Sentr˚de_ vors_ onse_ gemeyne_ siegel ane diese_ opene_ brieve doin hangen . Mit onse_ gemeyne_ wille en_ wete_ / Gegheve_ Jn + den Jore ons h_en d˚ese_t drie + hond_t Tachte_tich en_ achte / des sondaghs voer sente kath_ine_ daghe . te wete_ op sente cecilie_ daghe . - der heylig_ Jo˚ffro˚we_ . . Der tenoir en_ Jnhalt van + de_ walsschen brie˚e vors_ volgt hir na van woirde te woirde (onleesbaar)