Corpus Van Reenen-Mulder (CRM14): Oorkonde P176p39401

Allen die ghene die dese Lett_en sulle_ siin en_ ho_en Lesen Godevart van os Richt_e hoefs eens Religieus mans h_en Lambrets Proefts Moensters va_ Sintrude_ wille_ va_ strate_ kerstiaen va_ + d_ bijst jan van schore henric wissel_e jan van stapele w_nijr Ekele joh_es gerste_ en_ late dis voers_ hoefs Groute met ke_nisse d_ waerheyt Wet dat in ons_ tieghewordicheyt p_soenlich comen siin eersmae en_ besceyden p_sone joffrauwe katherine doct_ was h_en herma_s va_ vyde_ schepe_s va_ + d_ eenre p_tien En_ Wille_ moelre poert_e d_ stad va_ sintrude van + d_ and_e p_tien die voers_ joff_ katherine heet ghekant dat sy ghegeven heet en_ bewijst te eerfseyse den voers_ wille_ Moelre die daer cande dat hy ghenomen hadde / een huys gheheyten pr˚ymkensh˚ys ghelegen aen den Cruythmarght met sine_ toebehoerten dats te weten met den kelre . en_ met ene_ cleynen doergange acht_ siins huys ghelegen te gaende . vyt en_ en . tot sine_ kelre acht_ eerve meest_ Laureys not_mans en_ sijnre duct_e katherine_ en_ juten die hy heet va_ yden sine_ wive was . en_ met ene_ cleynen ghedeelte hoefkens ghelegen achter jans kempeners h˚ys des auden ane h_en tsingaerts steghe . tusschen eerve meester Laureys voers_ en_ siinre duct_e voers_ en_ jans kempeners met ene_ gange ter steghen toe welich huys ghelegen na dat voers_ es aen den Cr˚ethmarght tusschen husinge des voers_ laureys en_ siinre geerve_ en_ jans kempeners van beyden siden Te hauden en_ te besitten eerflich op ene_ jaerliken en_ eerfliken seys en_ met vorwerden en_ conditien hy + na ghescreve_ . . Welich willem moelre voers_ gheloft heet in d_ vorwerden die tusschen beyde die p_tien voers_ ghevorweert was na dat sij kanden . jaerlix en_ eerflics te betalen van + de_ voers_ h˚yse met sinen thoe~behoerten twelve en_ ene_ halve_ gulde_ tseys~gels als~sulken seys als men her + namaels gheve_ sal van seyse in die stad van sintrude_ Te betalen die een hausceyde te kersmesse en_ die and_e hausceyde te sinte jans messe baptisten . Van den weligen twelf guldene_ en_ ene_ halve_ . die voers_ willem en_ elc die ten tide hy namaels dit h˚ys met sinen thoebehoerten . besitten sullen . Sullen talen jaerlix en_ eerflix den seys daert mede gheboerdent es ten tyden hy na ghescreven Dats te weten den Proefts des Moensters voers_ vijr aude grote te sinte Remeys messe En_ sinte Eucheris gulde twe en_ twintich en_ ene_ halve_ aude_ grote_ te ghewoenliken tiden . jtem der gulden va_ den heyligen geeste der stad va_ sintruden voers_ . eelve aude grote ten voers_ tiden en_ ond_ halven Lucslachte En_ den prijst_en van onser vrouwen kercken der stad voers_ twintich aude grote te talen ten tiden voers_ . en_ desen voers_ seys ave~ghetroct soe blijft dit voers_ h˚ys met sinen thoe~behoerten . jaerlix en_ eerflix sculdich d_ voers_ joff_ katherinen en_ hoeren geerve_ oft nacomelinge / seven gulden . achte . en_ enen halve_ aude_ g_ . en_ ond_ halven Luycslachte . Van den weligen die voers_ willem moelre heet gheloeft af te quiten bennen vijr ja_en nast come_de daten des_ lett_en . vijf gulden seys~tghels . elken gulden voer elken termin dats te weten voer kersmesse en_ voer sinte jans messe baptisten . met twintich guldene_ tseys~tghels . En_ na elken t_min met den seyse die dan ghevallen sal siin . en_ met d_ su_me_ ghels voers_ . Dats te weten bennen desen ja_e naest comende ond_ halven gulden . En_ dat and_ jaer daer + na ond_ halve_ gulde_ . en_ dat deerde jaer ene_ gulden ende dat vijr jaer ene_ gulde_ jn allen der maniren te quite_ na dat voers_ es En_ die twe gulden tseys~tghels die daer niet af + ghequijt en sullen w_den sal die voers_ willem en_ siin gerven en_ nacomelinge talen jaerlix en_ eerflix . en_ och die achte aude grote en_ ene_ halven . en_ ond_ halve_ lucslacten der voers_ katherinen en_ ho_en geerven voers_ . Dats te weten te kersmesse en_ te sinte jans messe baptisten half en_ half . Voert soe eest ghevorw_t dat dit voers_ huys willems achterweert niet en heet nocht en behilt bouten sijnre vladen tot meester laureys en_ sijnre gerve_ eerve vytghenome_ den ganc voers_ te gaende tot sinen kelre . jtem voert soe eest ghevorwert tusschen den voers_ willem en_ joff_ katherinen dat en~gheen besittere der stalgien die ghelegen es achter huys willems welich nv toehoert meest_ Laureyse en_ sine_ gerve_ . niet verty_meren en sullen nocht beneme_ nocht doen benemen en gheenre maniren dat lijcht van willems h˚ys voers_ . . jtem voert soe eest ghevorwert dat water dat van willems eechden van sinen h˚ys en_ van + den doergange van den hymele en_ van + d_ locht comen sal / vallen sal opt eerve meester laureys en_ siinre gerven voers_ . en_ en~gheen and_ water en_ dat voert leyden sullen die voers_ meester laureys en_ siin gerve_ op hoer eerve tot der stad daert gaen sal Ende om_e meerre sekerheyt te hebben den voers_ willem . soe heet die voers_ joffrauwe katherine die voers_ h˚ys met sinen thoebehoerten opghedragen in hant miins richters voers_ tot orb_e des voers_ willems en_ heet den voers_ willem in den voers_ h˚yse met sinen thoebehoerten en_ met allen den vorwerden en_ conditien doen goden en_ eerven . Met menisse vo_nisse banne . en_ allen and_e ghewoenlicheyt des hoefs en_ heet den voers_ willem als vole ghedaen dat wij late te menisse des richters ghevo_nist hebben dat den voers_ willem en_ sinen gerven gnoech gheschijt es van den voers_ huyse met sinen thoebehoerten . en_ met allen den conditien voers_ . . Jn ghetughenisse der waerheyt soe hebben wij dangel van den grauwendrijsch en_ stas van heynselt schepene der stad van sintruden ter beden des voers_ richters en_ der late . desen tieghewordigen lett_en en_ and_en van + den selven tenore onse sigele aen~ghehangen Gheg_ in den jaere der gheboerten ons h_en Dusent dry + hondert vijr en_ Neghentich jn die Maent van Aprile des . x . daechs joff_ kath_ . doct_ her h_ma_s va_ wille_ moelres huyss