Corpus Van Reenen-Mulder (CRM14): Oorkonde P176p39402

Allen . die ghene die dese lett_en sullen siin en_ ho_en lesen . wernijr Ekele Richt_e des seys~hoefs henrics gheheyten scoutiten den hy heet in der vryheit der stad van sintruden . Henric wernijrs kerstiaens van d_ bijst adaem abertijns en_ . joh_es h˚enken late dis voersedes hoefs Groute met kennisse d_ waerheyt Wet dat wij late voers_ te ghewoenliker beden . en_ te versoeke katherinen geernouts . doct_ was henrics geernouts en_ te menisse des richters voers_ / om een eewelike memorie te hebben . ghecleert en_ ghevo_nist hebben die poenten hy na volgende / Dats te weten dat een tijt die leden es ghevo_nist en_ ghewijst wart ov_mits die voers_ oft solnige van ons late_ voers_ . en_ noch meer late die doen ter tijt daer by waren . te menisse ons richters vorscreve_ vo_nisden en_ wijsden . dat die gote . en_ waterleyde die gheleghen es tusschen dat steynen huys . katherinen . en_ philips . van der oyen ghelegen in die steenstrate die voers_ philips siin gerven siin nacomelinge . en_ hantplict_e des huys philipps . eewelich en_ eerflich hauden sullen die voers_ gode . en ho_en cost en_ arbeyt en_ sonder cost oft scade te doende d_ voers_ katherinen geernouts ho_e gerven nacomelingen oft hantplict_e oft besitt_e des steynen huys voers_ . jtem voert soe cleren wij late voers_ te menisse ons richters voers_ dat een deylinge ghedaen wart tusschen den voers_ philipse en_ willem appeltant wettich man d_ voers_ katherinen als van den steynen huyse met sinen thoe~behoerten . als~soe dat den voers_ philipse ghevijl te sinen ghedeelte . siin huys daer hy en woent met siinre thoe~behoerten . en_ met . enen ghedeelte hoefs ghelegen achter husingen des voers_ willem en_ katherinen . En_ den voers_ wille_ en_ katherinen gheviel in d_ voers_ deylingen . een ghedeelte hoefs achter husinge nv ter tijt jans va_ + d_ volmolen . En_ daer + na soe quam die voers_ philips en_ belasde . siin ghedeelt hoefs met enen jaerliken seyse en_ daer na soe es gheschijt een wisselinge va_ + d_ voers_ tween ghedeelten hoefs . dat een om dat ander in der maniren en_ voghen dat wille_s appeltans en_ katherinen voers_ in d_ wisselingen en_ in der godingen ghevorwert wart dat ho_e ghedeelte hoefs los en_ quite soude siin als van den seyse den die voers_ philips daer op vercoght hadde . en_ dat ghedeelte hoefs philips . dat nv ter tijt haudende es en_ sent vercreech jan van d_ volmolen tieghen philipse voers_ gebordent en_ jaerlix sculdich sal siin . en_ bliven / en_ der voers_ willem / en_ katherinen hof daer af ontladen ende ontbordent van + den voers_ seyse . waer by . dat wij late . te menisse des richters . voers_ ghevo_nist en_ ghewijst wart na dat wij noch van ov_vloydicheyt vo_nissen en_ cleren dat doen ter tijt den voers_ willem sinen gerven en_ nacomelingen van d_ voers_ goeten ende van + der wisselingen gnoech gheschijt en_ ghedaen was . en_ noch ter tijt in tieghewordich es . dat wij noch cleren en_ vo_nissen . jn ghetughenisse dis clerenisse . soe hebben wij . aert gheheyten Greve . ende dangel van + den Grauwendrijsch schepen d_ stad van sintruden . jn den name en_ ter beden des richters ende der late voers_ desen tieghewordigen lett_en onse sigele aen~ghehangen Ghegheven in den ja_e der gheboerten ons h_en . Dusent . + dry hondert . + vijr en_ Neghentich . des xxiij dachs in der Maent van junio