Corpus Van Reenen-Mulder (CRM14): Oorkonde P176p39403

Allen die ghene die dese lett_e sulle_ siin en_ horen lesen . Kerstiaen van + d_ bijst Richt_e seys~hoefs d_ gerve_ Vyt den broeke den sij hebbe_ in d_ vryheit d_ stad va_ sintrude_ . stas van heynselt scepe_ d_ stad voers_ en_ late dis voers_ hoefs henric w_nijrs w_nijr Ekele Reyner va_ lande_ . Maes wissel_e en_ joh_es culser va_ hasselt och late dis voers_ hoefs Groete met ken_isse der waerheyt wet dat in ons_ tieghewordicheyt p_soenlich come_ siin Cristine anthonis en_ margrite ho_e suster beghine des hoefs va_ sinte agnete_ b˚te_ d_ m˚re der stad va_ sintruden ghelege_ . en_ hebben p˚rlich om gode . en_ ons_ liver vrouwe_ in p˚rre almoysen ghegheve_ en_ opghedrage_ in hant miins richters voers_ twe gulde_ seys~gels jaerlix en_ eerflix seys . tot orb_e en_ behoef des ghelucts . en_ tot eenre lampe_ dats te weten tot d_ middelster lampe_ . ewelike te beerne_ voer ons_ vrouwe_ bijlde in die nouwe capelle d_ kercken va_ ons_ vrouwe_ der stad va_ sintruden . en welker Capellen daechlics grote ghenade en_ myracule va_ gode en_ siinre liver mod_ gheschijt des sij gheloeft en_ ghedanc moet siin va_ den hymelsschen here en_ van alle_ goden meenssche_ . Welich twe gulden die voers_ sust_e bewise_ jaerlics en_ eerflics te heffen te kersmesse en_ te sinte jans messe bap_ten half en_ half . Aen ho_e huys ghelegen op steynart en_ aen eerflike gode henrics borgers . jtem voert soe eest ghevorwert wert dat sake dat die voers_ lampe versoempt werde en_ niet en beernde bove_ acht dage dat dan der voers_ kerstine_ en_ ho_e suster gerve_ voers_ oft yeman anders den sijt bevelen en_ ov_gheven dat sij die twe gulde_ heffen soude_ jaerlix en_ eerflix ha_en wille daer mede te doende sond_ wed_~seggen d_ kercmeest_e ons_ vrouwen kercken voers_ . En_ ov_mits dese voers_ poenten en_ vorw_den . soe hebbe_ die voers_ kerstine en_ magrite ghesust_e dese voers_ twe gulde_ opghedrage_ in hant mins richters voers_ tot orb_e der voers_ lampen . en_ hebben jan van stapele mo_boer der kercken van ons_ vrouwen voers_ doen goden en_ eerven in den voers_ twe guldenen tot orb_e der voers_ lampen in alle_ der maniren dat voers_ es met menisse vo_nisse banne ende met alle_ and_e ghewoenlicheyt des hoefs voers_ En_ hebben de_ voers_ janne van stapele als momboer als~soe vole ghedaen dat wij late voers_ ghevo_nist hebben dat den voers_ janne in de_ name voers_ gnoech gheschijt es van den voers_ twee guldenen jaerlix en_ eerflix in allen der maniren dat voers_ . jn ghetugenisse der waerheyt soe hebben wij Dangel van de_ grauwe_drijsch en_ stas van heynselt voers_ schepen der stad va_ sintruden voers_ desen tieghewordigen lett_en onse sigele aenghehangen . en_ and_e lett_en van den selven tenore ter beden des richters ende der late voers_ Gheg_ in den ja_e der gheboerten ons h_en . M . + Dry + hondeert . + xCiiij des eerstes daechs van Oexst~maende