Corpus Van Reenen-Mulder (CRM14): Oorkonde P176p39601

Allen die ghene die dese lett_en sullen siin en_ horen lesen Wij Dangel van den grauwendrijsch en_ stas van heynselt schepene der stad van sintruden doen cont en_ tughen dat voer ons comen es henric van straten knape van wapenen siins goets moets willen en_ heet ghekant oppenbaer dat home als van enen hosteyken dat home thoe~horende was gheleghen op ons_ vrouwen kerchof der stad van sintruden voers_ gnoech gheschijt en_ volghedaen es waer by dat die voers_ henric janne van stapele als momboer der kerken voers_ en_ in den name der kercke_ en_ peter van hubertinghen quiteert en_ quijt + hilt van den voers_ hoesteken o_mermeer en_ eewelich voer sich en_ siin gheerven ende nacomelinge daer na nu_mermeer te staende en gheenre maniren oppenbaer nocht heymelich . En_ vertijt Allen cleregie exceptien fallatien . en_ besculdenisse van rechte en_ van dade . Jn ghetughenisse d_ waerheyt soe hebben schepenen voers_ ter beden des voers_ he_rics van straten die daer quiterende was en_ jans van stapele en_ peters van hubertingen voer h˚m in den name voers_ tot orb_e der kercken voers_ . en_ des luminars der kercken onse sigele desen tiegheghewordigen lett_en onse sigele aenghehangen Gheg_ in den ja_e der gheboorten ons h_en Dusent CCC xCvj in die oexst~Maent des xiij dachs