Corpus Van Reenen-Mulder (CRM14): Oorkonde P176p39901

Wi willem van Coni_xhem en_ robiert van staple Scepene_ der stad van sintrude_ tughen bi des_ l_ren en_ doen cont dat voer ons sijn come_ eersame persone en_ beschiedene te wetene Art der greve wenne der vrouwen der priorinne_ en_ des co_vents van mielen an een side / en_ jan scuermeyere lakemek_e an die ander side / die vors_ art cande en_ lide / dat hi te voerdaghen den vors_ jan vytghegheven hedde / siin h˚ys en_ hof en die helle gheleghen tusschen die goide / wilen bleskens / en_ jan scheffeners goet en beyde siden / ende acht_ comende an der vrouwe piccarts goet / jarlix en_ erffelic te enen voere te besittene om twe tzeys guld_ jarlix en_ erffelix tzeys van + den welken die vors_ art cande / en_ lide openbaer dat die vors_ jan tzeghen hem om gheriede pe_ni_ghe / hem waele betaelt / af~gheleet hedde en_ afghequeten enen guld_ erffelic / van + den welke_ hi cande dat hi den vors_ jan volcomelic af ghenoech ghedaen hedde / Alsoe dat die vors_ art hem tot den vors_ huse en_ hove niet meer rechs ane en vermat / dan ene_ guld_ erflic daer an te behaudene te betale_ te ons_ vrouwe_ liechtmesse en_ sinte peters + messe half en_ half / Vyt welken v_draghe honre beyder / en_ te honre beyder / om des_ vors_ dinghen vestenisse te hebbene / beden / Soe hebben wij scepene_ vors_ onse p_pere seghele dese_ l_ren en_ eenre d_ selver tenoere_ doen anhanghen gheg_ jn + den ia_e ons h_en M˚ CCC˚ xcix achtien d_ in oecht~maent