Corpus Van Reenen-Mulder (CRM14): Oorkonde P178p33801

Alle den ghenen di desen brief zolen sien en horen lesen . . Scoutete_ en schepene in + der vriheyt te bruste_ gruete in o_sen here ende kinnysse der wareyt / Ghi suelt bekinne_ dat voer ons sijn comen / lambrecht stas va_ woutelinghe_ jn + der einre partyen / ende / juncvrouwe kateline dochter wile_ daengels van der borch jn + der ander partyen welecke juncvrouwe kateline bekande hore hebben vercreghen tyeghe_ den selve_ lambrechte dertech aude grote erfliker rynten / aen enen hoef dien mer houdende es van den ?eve van gellre dy gheleghe_ es bi den hof gilis wilen was v_cma_s jn + der einre zide_ ende den hof wouters voets jn + der ander ziden / dye voerghenuemde rynte / der voerghenuemder / ju_cvrouwe_ kathelinen hoer lyefdaghe end na hore ju_cvrouwe_ aleyde_ hore suster der non_e_ va_ beke als langhe als si leeft end na hoer doet ju_cvrouwen kathelinen van ghelindene_ non_e metter eirster + ghenuemder ju_cvrouwe_ katheline_ in + de_ cloester te herkenrode / end na welker drier juncvrouwe_ doet die voreghenuemt syn der pytansien va_ herkenrode half allen jare erflych jn sinte remeis daghe / oft jn alre heylege_ daghe dy daer naest come_de es / En dander heleght jn groetvaste_avonde oft binne_ veirtin + nachte_ daer na allen jare erflych te vorgheldene / Daer tuwe set dy voerghenuemde la_brecht Den juncvrouwe_ / en + der pytansien die voernuemt sijn / twelve oude grote jaerliker rynten te onderpande aen ene_ hof die men helt van den greve van loen . dy wilen was reiners die men zeide neven soen Met vorwerden / wert dat / den juncvrouwen oft eineker va_ hoen jn hore_ tide oft der pytansien die voerghen? rynten ten tidien die voerghescreven sijn ghebreke / dat niet sijn en mote / Dan soude_ die voerghesede_ junc? oft eniken van hoen di ?t aen~horende were / oft die pytansie die voerghenuemt es te dyen gude ? (onleesbaar) (onleesbaar) grote_ come_ en_ hant slaen / als te horen . erfve / sn?tes daegs die na dien voersproken tide als m? (onleesbaar) voerghenuemt es ver~ghelden soude comende es / ?houdelech dyes dat dy voerghesproke_ lambrecht ? twelve oude grote die voerghescreven sijn aen a? guet bewisen mach dat also vele wert zi alle jaere en daer mede loessenen den hof daer die twelf oude grote vore aen sijn bewijst / Jn deser dinc ghetughene heb wi scoutete_ en_ scepene die voerghenuemt sijn onsen ghemeynen sighel der vriheyt van bruste_ desen lettere_ aen~ghehanghen / jn den jare ons heren . M˚ . + ccc˚ + . ende xxxvii&jring; dertyndes daechs na alre heyleghen dach .