Corpus Van Reenen-Mulder (CRM14): Oorkonde P178p39201

Cont siin allen luden dat voer ons scoutet ende scepene_ der vriheyt van brusteme Comen siin en_ in p_pere p_soen ghestaen Eersame en_ bescheydene p_sone te wetene joffrouwe yde van d_ borch van brusteme c_ventuael joffrouwe te herkenrode op die een side / En_ art saddel_e en_ lambrecht van here wonende te brusteme op die and_e side / welighe art en_ lambrecht voer ons en_ voer den hoef van here te brusteme / hebben becant der vorscr_ joffrouwe_ yden alsoedeneghen tzeys als si joffrouwe_ yde vorscr_ in hore_ brieef ghecleert / daer dese brieef doer ghesteken es openbaer sculdich siin / voer den selve_ tzeys jaerlix te betalene voer elken auden groeten alsoe vele als der lant~here benne_ den dorpe van brusteme voer elken auden groeten sal ophauden / erffelic der~selver joffr_ yden en_ hore_ naecoemelinghen en_ te eweghen daghen En weligher saken wareyt Soe hebben wij scout_ en_ scepen_ onsen ghemeynen zeghel ons scepens stoels te ? der p_tiden en_ elken van h˚n des_ l_ren aenghehangghen gheapp_beert beyde die sup_sc_____ + p_tien te wetene yde en_ beden / die van negligentie ghescr_ siin ghescr_ in + den ja_e ons h_en M˚ ccc˚ twe en_ neghentich in merte des xvij daechs