Corpus Van Reenen-Mulder (CRM14): Oorkonde P178p39601

Allen die ghene die dese lett_en suelen sien en_ ho_en lesen . Wij lambrecht Pulinch Scoutit eens Eerwerdichs h_en Herren Jans van Bayeren Ov_mits die genade goeds en_ des stoels van Romen Elect en_ confirmeert des busdoms van ludic en_ Greve tot loen en_ schepenen der vryheit van Brustem Groete met ken_isse der waerheyt wet dat voer ons come_ siin eersame en_ bescheyden p_sone Ard en_ Jan soene katherine_ wijf henrichs gontrams kath_i_e docht_ marg_ten henrichs kath_i_e ards en_ marg_te Crucmans ducht_e en_ naturlich kend_e Ards was bollen van + den Grauwendrijessche van + der eenre p_tien en_ Daengel van + den Grauwendrijessche schepene der Stad van Sintruden wettich soen was des vurs_ Ards van + d_ and_e p_tien Die voers_ Ardt jan . soene kath_i_en wijf henrichs kath_i_e marg_ten henrichs kath_i_e ards en_ marg_te Crucmans vurs_ naturlich ducht_e en_ kend_e des vurs_ Ards Een met ho_en momboren hun daer thoe verleent met den rechte oppenbaer en_ hoers guets~moets willen hebben voer ons gekant dat hun van + den eerflichen en_ och van + de_ lijftocht dien hun gelaeten en_ besat hadde Ard bolle vurs_ hoer vader Ende joffrouwe marg_te siin sust_ in hueren testamente en_ lesten wille Aen derde + half bonre boschs luttel men of mee . gelege_ in die keelbamde tusschen die guede des huys van Bernshem van + d_ eenre sieden en_ die eerflike guede d_ geerve_ Ards greve_ schepen d_ stad vurs_ van + d_ and_e siden gnoech en_ vol geschiet es van + den vurs_ Dangel ho_en broeder Waer + by dat sy den vurs_ dangel van + den vurs_ guede dat hun gelaeten was na . thenore des testamens quijteerden en_ quijtschouden den vurs_ dangel Ende die vurs_ deerde + half bonre boschs na inhauden des testaments En_ ov_mits die vurs_ poenten en_ ken_isse soe hebben die vurs_ naturlijch kend_e een met ho_en momboren en_ ellic voer sich opghedraghen die vurs_ guede die hun ghelaete_ waere_ en_ ouch den onderpant in hant mijns Schoutiten vurs_ met vertienisse hoers drechs tot orb_e des vurs_ dangels en_ deden den vurs_ Dangel gueden en_ erve_ Met menisse von_isse ban_e en_ alle_ and_e gewoenlicheyt d_ vryheyt vurs_ waer + by dat wij schepene_ vurs_ von_isden en_ wijsden dat den vurs_ dangel van + den vurs_ brued_en en_ sust_en van + de guede en_ van + den boerdene_ daer die vurs_ derdehalf bon_ boschs mede gebuerdent waere_ na den testamente gnoech geschijet w_e . en_ home daer mede behelpen muchte te ontgueden en_ ene_ and_en daer in te gueden Ende saen daer nae soe es come_ die vurs_ Dangel . en_ heet voer ons gekant Oppenbaer dat hy die vurs_ derdehalf bon_ boschs luttel men of mee vercocht hadde en_ heeft h_en henrich van havert Com_enduer des huys van Bernshem die daer tieghenwoerdich was kande en_ lijde dat hy gecocht hadde om_e een seker sum_e gels die den vurs_ dangel nae~dat hy kande van + den vurs_ Com_enduer wale betaelt w_e welich bosch jaerlix niet meer gheboerdent en w_e dan met den grontseyse dats te weten elc bon_ met vier pen_inghen luc_ En maniren weert dat sake dat naemaels vonden woerde dat die vurs_ bosch jaerlix meer schuldich w_e dan den grontceys Dat geloefde die vurs_ Dangel voer sich en_ siin geerve_ ov_mits obligacien en_ verbonde Allen sijnre goede gereide en_ eerflijch die hy heet ende naemaels sal moghen hebben soe woer sij geleghen siin Den vurs_ Com_enduer oft den~ghene_ die nae hoeme suelen come_ scadeloes en_ com_erloes te hauden . Ende ov_mits dese vurs_ vorwerden soe heeft die vurs_ dangel den vurs_ bosch Opghedragen in hant mijns schoutiten vurs_ tot orb_e inde behoef des vurs_ h_en henrichs Com_enduers tot orber des vurs_ huys van Bernshem en_ dede den vurs_ Com_enduer in den name vurs_ jn + den vurs_ bosch gueden en_ eerve_ ov_mits manisse von_isse ban_e en_ allen and_e gewoenlicheyt d_ vryheyt en_ d_ banc vurs_ behaudelich en elcs recht . Jn getughenisse der waerheyt Soe hebbe_ wy schoutit en_ schepenen vurs_ te beden d_ vurs_ p_tien en_ och des Com_endurs vurs_ desen tieghenwoerdighen lett_en onsen ghemeyne_ sigel der vryheyt vurs_ ane~ghehangen Gegheve_ in + den ja_e der gheboerten ons h_en Dusent . + CCC . + xcvj + . des Maendaechs voer sinte jans dach baptisten