Corpus Van Reenen-Mulder (CRM14): Oorkonde P184p39901

Wi Reynere van Merweys meyere des tgeyshoefs Robeert librechts van Roest dien hi heeft te groetghelmen / willem peters / bauwijn van malle / willem van goethem / meens van lewe / maes van goethem / willem aerts / lambrecht betten en_ robiert van mettecoven late des vorscreven hoefs doen cont allen luden die dese letteren suelen sien oft hueren lesen dat vor ons is comen selve heylwijf die wettich wijf was wilneer Johan_es vrints van ghelme_ met haren mo_bore die hare daer tuwe mette_ rechte ghesat was / en_ ontgoede hare van hare tocht die si hadde in twe bonre ackerlants ene halve lantroede men / ghelegen bi groetghelmen tusschen die goede robeerts van roest op deen side en_ die goede willems van zepperen op dander zide / en_ dede daer in goeden hare kend_e te wetene / vrinde Janne / beateren en_ sillekine en_ oec ghilis cuttinhe als mo_bor marien sijns wijfs die oec docht_ was des vorscr_ Joh_es en_ heylwiven elken met sinen mo_bore hem daer tuwe ghesat / en_ erven met manisse met vonnisse met banne en_ and_e sole_niteyt die daer tuwe behuerlec was en_ ghewoenlec / dat ghedaen die vorscr_ Jan / beatere en_ ghilis met vertienisse marien sijns wijfs vorscr_ / alle haers moets willen / deden vrinde haren broeder vors_ in die vorscr_ twe bonre lants ene halve roede men goeden en_ erven / met manisse vonnisse ban_e en_ alle and_e sole_niteyt hier tuwe behuerlec en_ ghewoenlec / welc alsus ghedaen die vors_ / vrint cande en_ lide met sine_ mo_bor hem daer tuwe ghesat / dat hi vercocht hedde Joffrouwe cristinen van vde die wettich wijf was Johan_es ghersten van sijntruden in den name en_ te behoef marien die wettich dochter was des vors_ Johan_es ghersten en_ cristinen die daer tieghewordich waren om_e ene zeker sum_e ghelts die der~selve vrint cande en_ lide dat hem van der vors_ Joffrouwe c_inen wale betaelt were die vorscr_ twe bonre lants ene halve roede men erflec te haudene en_ te besittene . Ende hier om_e so droech op der vors_ vrint m_ sine_ vors_ mo_bore die vors_ twe bonre lants ene_ halve roede men in hant des vors_ meyers te behoef en_ orber der vors_ marien docht_ Joh_es gherste_ en_ verteech daer af / en_ dede die~selve marie met hare beyder mo_boren in die vors_ lande goeden en_ erven met manisse met von_isse met ban_e en_ alle and_e sole_niteyt daer tuwe ghewoenlec en_ behuerlec / egheen poynt van rechte in ellec van den vors_ guedinghen achter~ghelaten / vort quame_ vor ons selve met haren live / librecht stas van Rikele / vrint van den ghate en_ Jan sone was Joh_es vrints vors_ m_ hare_ mo_bor die ghemort waren en_ hebben gheloef en_ elc vor al met hare trouwen en_ zekerheyde en_ hebben daer vor ghesproken p_ncipaellec en_ ellec vor al Soe wanneer dat silleken vors_ te hueren daghen sal come_ sijn en_ mo_dich sal sijn dat die~selve silleken sal dan come_ vore den richt_e oft mey_e en_ late des vors_ hoefs en_ sal die vors_ marie Joh_es gherste_ dochter was in die vors_ twe bonre lants ene halve roede me_ doen goeden erven en_ derre v_tien en_ hoefs vollinghe doen / ghelijc dat vrint hare broeder vors_ ghedaen heeft Jn orco_den der waerheyt alle der saken en_ vorworden vors_ Soe hebben wi robeert librechts te versueke en_ v_tellenisse onser richt_e en_ late vors_ / wille_ peters en_ bauwijn van malle vors_ vor ons selve en_ die and_e meyere en_ late vors_ die eghene aue_te zeghele en hebben en_ te hare beden en_ oec ter beden beyde der p_tien onse p_pere zeghele desen lett_en ane~ghehangen . Ghegeven int Jaer ons heren dusent drie + hondert en_ neghen en_ neghentich in oecht~maent . + xxviij + . daghe : .