Corpus Van Reenen-Mulder (CRM14): Oorkonde P196p38001

Gylis . der langhe Richt_ ende scepen Ghisebrecht katherinen godevaert fijs johan Cone_ obrecht karlen ghisebrech peters en_ wout_ goutiers scepenen des dorps van voelen . doen Cont allen luden die desen brief soelen sien en_ hoeren lesen dat voer ons Comen siin in hoeren p_pren p_sonen heersame en_ bescheydene lude te wetene siin Cloes van . den putte van Middelhe_e op die een side en_ moes ghilis zoen wilneer was van moufferant van heere op die ander side Der voers_ cloes kinde en_ lyde openbaerlich met sinen wille dat hi vercocht hedde den voers_ mose met besceydene ende gherechten cope ende vercope ende den voers_ mose doer jnscheghenwoerdich sijnde kinde en_ lyde ghecocht hebbende scheghen den voers_ close twintich groet rouden ende teenne cleyne achkers lans gheleghen in + den ghevilte tusschen heere ende middelhe_e dat + mer heyt opte_ bilt_ doer die kukelbeke doer vliet tusschen des heren lant van heere o_me een seker su_me ghels die h˚n beyden wale ghenouchde en_ der voers_ cloes kinde en_ lyde dat si hoeme wale betaelt were van + de_ voers_ mose ov_mijts wellichs coeps en_ vercoeps wille die voers_ cloes die voers_ . goude op~dr˚ch in des voers_ richt_s hant in name en_ te orbere des voers_ moes oft des ghenen die moes des voers_ gouts gheonste ende der voers_ cloes doer op verteech verhalmde en_ quijtschalt altemole hoeme niet rechs erfdoms noch vermeets doer in te behaudene in egheenre wijs . Ende oech doer bi en_ ane sijnde met close voers_ ter selver steden ende oren Elizabet . wittich wijf des voers_ cloes die oech op die voers_ goude quijt~schalt en_ verteech no recht ende ghewoente des hoefs van voelen Also dat doer ter selver steden ghevonnist waert ov_mijts manisse des voers_ richters en_ vonnisse der scepe_ voers_ dat cloes en_ siin voers_ wijf aen die voers_ goude niet meer rechs noch vermeets en hedde . noch h˚n doer ane en kinde . willich sake ende poynte der voers_ richt_ lede en_ bevael in + der houden en_ ontheltenisse der voers_ scepene_ ende moes voers_ des siin recht en_ orkonde bekande en_ ons scepene_ wale betaelde . Dese saken siin gheschiet jn + den jore ons h_en dusent drie + hondert ende tachtentich des achte ende twintechste dachs in + der Moent di + mer heit in de_ latine december . . Jtem jn + den jore ons h_en als + mer scrieft d˚sent drie + hondert en_ tachtentich des leeste_ dachs van + der Moent december voers_ dat was op joers mont so quaeme_ voer ons Richt_ en_ scepe_ van voelen voers_ een hoeghe moghende man h_e Gheraert h_e tot heere op die een side ende Moes ghilis zoen wilen was van moefferant van he_e voers_ op die ander side der voers_ moes was so beraden dat hi begheerde en_ woude dat die voers_ goude die der voers_ cloes op~ghedraghen hadde in des voers_ richters hant te sinen behouf oft des gheens den hi ghoude dat + mer den voers_ here van he_e in die voers_ goude en_ eerfde en_ seyde dat hi d_re nyman baet en onste dan den voers_ h_e van he_e ende bat den richt_ dat hi die voers_ scepe_ mande so wie + mer dat doen mochte dat macht hedde en_ stat hielde so dat der scepe_ d˚e wisde voer een rech ov_mijts manisse des richters voers_ dat + m_ den voers_ h_e van heere in die voers_ goude in gouden en_ erfven ende ghichte_ soude want der voers_ moes des begheerde ende versuchte en_ nyman baet des en gho˚nde dan den voers_ h_e van heere . So dat ov_mijts wisenisse der voers_ scepe_ der voers_ Richt_ in~goude en_ touwe~goude den voers_ h_e van heere in . die voers_ goude ende deden hoeme van vrede en_ alle hoefs recht ghelijch mer schuldich is te doende van alsulken goude egheen poynt van rechte acht_ gheloten behaudelich alremans recht Also dat doer ter + selver steden ghewijst ende ghevonnist waert dat den voers_ here van he_e van + de_ voers_ goude_ volcomentlich were ghenouch gheschiet welleghe poynten en_ saken alle en_ jghelike der voers_ richt_ lede ende bevael in + der houden en_ ontheltenisse der voers_ scepe_ van voelen Ende des bekande der voers_ h_e van heere siin recht ende orkonde en_ die ons wale betaelde Van welleghen poynte_ ende sake_ alle en_ jghelike der voers_ here van heere begeerde en_ vers˚chte enen brief beseghelt metten seghele onser scepenscap van voele_ voers_ Ende want alle dese voers_ saken en_ poynten voer ons Richt_ ende scepene_ van voelen gheschiet siin ghelijch voers_ is als voer hoef so hebben wijr den seghel onser scepenscap desen jnscheghewerdeghen lett_en aenghehanghen jn ghetughenisse der waerheyt Ghegheve_ ende gheschiet jn + den jore Moenden ende daghen voerscreven .