Corpus Van Reenen-Mulder (CRM14): Oorkonde P197p38001

Allen den Ghenen dij desen lett_en soelen sien Oft hoeren lesen . . Librecht di + m_ heyt creysken van groetgelmen Meyer lodewich van + der blockeryen van ophe_e ghisebrecht der bastaert van . he_e knapen van wopene_ godevaert van messniel wout_ vroming geret matoelen en_ willem wilkaert van he_e late eens eerweerdichs en_ . wisen mans h_en Robeerts van ghelinden Ridders in + den laethoef die der voers_ h_e Robeert heeft in + den dorpe van heere . . Siin Cont ende kinlich Dat voer ons als voer hoef comen siin in hoeren p_pren p_sonen om_e die saken die hijr onder ghescreve_ staen heersam ende bescheyden lude te weten siin . willem en_ herman van goethem ghebrudere . knape_ van wopene_ witteghe kind_e willems willeer was van goethem knape van wopene_ ende joffrouwe yde witteghe sust_ derre voers_ willems ende hermans met hoere_ . witteghen momboer wout_en van beverst knape van wopene_ op die een side . Ende een Eerwerdich ende Moghende Man here Geret h_e tot heere op die ander side . . Die . voers_ . willem herman . en_ . joffrouwe yde met hoeren voers_ momboer wout_en Openbaerlich kinde en_ . beliden met hoere_ p_pren eyghene_ wille ende ellich van h˚n sonderlinghen dat si ghesamender hant vercocht hedden den voers_ h_e van heere in rech cope ende vercope en_ . die voers_ h_e van he_e dat kinde en_ lyde ghecocht te hebbene scheghen die voers_ vercop_e om_e een seker sum_e gels die h˚n allen wale ghenouchde en_ oech die voers_ vercop_e kinden ende lyden dat die voers_ sum_e gels h˚n wale ende wittelich betaelt were van + de_ voers_ h_e van he_e copere Die goude die hiir onder ghescreve_ staen . . Jtem die heelft va_ seven en_ deertich grote rouden ackers lans luttel min oft meer gheleghen in + den ghevilte van Middelhe_e bineven den wech die van Middelhe_e leyt te beddelike weert tussche_ Mijnre vrouwen lant der abbadisse van herkenrode op die een side en_ . lodewichs lant van + der bloceryen van ophe_e knape van wopene_ op die and_ side Willege_ goude alsus . . vercocht van + de_ voers_ vercop_en aen + de_ voers_ h_e van he_e cop_e . . Die voers_ here van he_e als cop_e vers˚chte aen onse_ voers_ Meyere dat he ons late_ maende oft die voers_ vercop_e die voers_ goude also hedden te hoeve dat si sich doer met mochte_ behelpe_ en_ h˚m doer van ontgoude_ ende ene_ andere_ doer in doen gouden . so dat wiir late voers_ wijsden eendrechtelich met manisse ons Meyers voers_ dat die voers_ vercop_e die voers_ goude so hedden dat si sich doer met wale mochte_ behelpen h˚n derre te ontgoudene ende den voers_ h_e van he_e cop_e doer in doen goude_ ende erven / Overmijts willichs coeps en_ vercoeps wille die voers_ . vercopere . die voers_ goude ghesamend_ hant met ene_ leyen Momboer . Johan_e schatte van Tongren wisselere met manisse en_ met von_isse h˚n verleent en_ ghesat na ons hoefs recht opdr˚ghen in ons voers_ Meyers hant te name en_ orbere des voers_ h_en van heere copers ende doer op verhalmden verteghe_ en_ quijtscolden altemole en_ . clacloes h˚n niet rechs erfdoms nocht vermeets doer in te behaudene in gheenre + wijs . / Ende wijr Meyer en_ . late voers_ d˚ den voers_ here van heere in + den voers_ goude hebben gegout en_ . in~gheerft ende hoeme ghedoen van verde ende alle solempniteyte van rechte die doer touwe schuldich siin te gheschiende ende alle hoefs recht egheen poynt van rechte achter gheloten ghelijch dat ons hoef te rechte steet behaldelich alre malchs beeste_ rechs Also dat wijr late voers_ doer wijsden eendrechtelich met gansen ghevolcghe ov_mijts manisse ons voers_ Meyers dat den voers_ h_e van he_e van + de_ voers_ goude_ volcomentlich were ghenouch gheschiet en_ alle hoefs vollincghe ghedoen ende dat lede ende bevael onse voers_ Meyer in + der houden en_ . in ewelich ghedinckenisse onser der late voers_ Ende . des becande der voers_ h_e van he_e cop_e siin recht en_ . orkonde en_ . die ons wale en_ . wittelich heeft betaelt Ende want viir Meyer en_ . late voers_ eghene_ p_pre_ seghel . ons voers_ hoefs en hebben so hebben wijr ghebeden onse_ lieve_ ende gheminde_ h_e h_en Robeerden van ghelinde_ Ridder voers_ als gronth_e ons voers_ hoefs ende lodewichke van + der bloceryen knape van wopene_ voers_ onse_ gheselle ende medelaet dat si hoere p_pere seghele dese_ lett_en wille_ aen~hanghen jn + ghetughenisse der waerheyt al + der voers_ . saken . Ende jch Robeert voers_ Ridder te beden ende te versuke onse_ voers_ . Meyers en_ . late so hebbe jch miine_ . seghel desen lett_en anghehanghen als gronthere ons voers_ hoefs met mede aenhanghen segele lodewichs voers_ ons laets Ende jch lodewich van + der bloceryen voers_ te beden en_ te versuke ons voers_ Meyers en_ . der late Mijnre mede~ghesellen so hebbe jch Mijne_ p_pren seghel desen lett_en aenghehanghen voer h˚n en_ mich selver een met voer aenhanghen seghele h_en Robeerts voers_ . als . gronthe_e des voers_ ons hoefs . jn ghetughenisse al + der dincghen voers_ . jn + den jore ons h_en als + mer scrijft d˚sent drie + hondert ende tachtentich des anderen dachs in + den hoymoent .