Corpus Van Reenen-Mulder (CRM14): Oorkonde P197p38501

Cont sij allen den~ghenen die dese l_ren soelen sien oft hoeren lesen . dat voer ons Robeert bastaert va_ glinden Meyere . lodewich van + der blockerien . Godevart van Masnil . Cloes Cole va_ glinden . ywen Coetweyne_ . Johanne Maes va_ Middelh_e . leonart en_ wouter vroninx ghebr˚ed_e . en_ willem wilkarts va_ voelen late Joncher Robeerts va_ glinden mans va_ wapen . jn + den laethof den he heeft tot he_e Comen sijn en_ verschene_ in p_pren p_soen Eersame . en_ bescheyden lude . Quintiin van tuwiin Canonic van fos . Jacob va_ heym_court . En_ Merten van wellen . fement_e en_ Testamentoere . Eyns Eersaems mans wilen h_en Jacobs va_ landrijs Canonics van ludijc . Ende voer ons als voer hof becande_ en_ wittelijc en_ wael bewijsden nae ons hoefs ghewoende . dat her Jacob vors_ om sine_ lesten wille te volv˚eren . hoen ghelaten heeft in sine_ testame_te gans en_ aellinge macht heeft verleent te vercopen die helft van seve_ en_ dertich grote roden ackers~lants luttel meer of min . ghel_ jn + den ghevilte va_ Middelhe_e . neven . den wech die van Middelhe_e leyt tot beddelijc w_t tusschen der abdissen lant van _kenrode . en_ lodewichs lant van + der blockerien . wellic lant . die vors_ her Jacob hijr vortijts . cheghen her Gheret h_e van he_e vercregen heeft . Rurende van ons jonchers hove vors_ dwelke lant vors_ . die vorg_ fement_e voer ons na ons hoefs ghewoende na doet her jacobs vors_ versochten en_ ontfienghen . En_ daer lieden en_ beca_den dat sij dit vorscr_ lant . om te volv˚eren her jacobs leste wille vorscr_ . om eyn zeker som_e ghelds die hoen wittelijc en_ wael betaelt is vercocht hebbe_ h_en Gheret h_e van he_e vors_ cop_e die daer cheghenwordich was . En_ opdroghen in hant mijns meyers vorscr_ te name en_ orber des vors_ h_en van he_e . en_ daer op verhalmede verteghe_ . en_ quijtschouden altemael hoen niet rechts noch vermeets daer in te behouden in enig_ wijs . En_ jch meyer vors_ doe den vorg_ h_e va_ he_e . jn dat vors_ g˚et myt manisse mijns en_ vo_isse der late vorscr_ hebbe gheg˚et en_ gheerft . en_ hem ban_e en_ vrede ghedaen en_ alle hoefs ghewoente . gheen ponte van recht achter~ghelate_ . ghelijc dat onse hof te Recht steyt behaudelijc alremallic sijns rechte_ . En_ alle dese ponte vors_ leyde en_ bevael jch Meyer vors_ jn h˚eden en_ Ewighe ghedenckenisse . der late vors_ . En_ wij late vorscr_ kenne_ en_ lien dat alle dese zake_ . ghelijc alst vors_ is . voer ons gheschiet en_ jn ons_ h˚eden ghelacht siin . En_ want wij Meyer en_ late vorscr_ ghene_ p_pren zeghel ons vors_ hoefs en hebben so hebbe wij . ghebeden onsen lieve_ gheminden joncher Robeert van glinden vors_ als gronth_e ons hoefs vors_ . Ende lodewich van + der blockerien vors_ onsen gheselle en_ mede~late dat sij hoer p_pre zegel desen l_ren willen aen~hanghen . jn ghetuychnisse der waerheit . En_ jch Robeert vors_ als gronth_e mijns hoefs vors_ . en_ jch lodewich als mede~late . te beden en_ versueke Meyers en_ late vors_ . so hebbe wij onse p_pre zeghele dese l_ren aen doen hanghen . jn ghetuychnisse der waerheit Gheg_ en_ gheschiet jn + den jare ons h_en dusent drie + hondert vijf en_ Tachtentich des Twee en_ twintichsten daechs van Meye