Corpus Van Reenen-Mulder (CRM14): Oorkonde P214p37201

. . Wir Johan Bourchgreve van monthenaken here van bilrevelt Ritter Doin kunt allen luden die diesen opene_ brief solen sien off horen lesen dat wir mit guyden v˚r~Rade den wir dair op gehadt hebben / ind o_me sunderlinge_ gunst ind vermoege_ die wir v˚rmaels gedragen hebben ind noch dragen tot den ordin van onss_ vrouwen van Jh_r___l_m ind den duytschen heren van bernsheim So hebben wir v˚r ons / ind onsse nakomelinge quijt / los / ind leedich ghescouden / ind schelden ten ewigen dagen quijt / los / ind leedich / derre h_ren la˚ten v˚rss_ die nv sin off namoels werden moegen / besittende / off haldende die g˚yde gelegen onder onss / ind in onss_ heirlicheit / te Ransbeeke ind te Schelve toebehorende den ordin ind heren vurss_ van allen / ind eyn ygeliken / Engher / dyenst / ind schattinge / Jnd kennen in guyden trouwen det wir aen die vurs_ laten / as van der heren guyden wegen / ghein Recht dyenst noch schattinge hebben en soelen noch dar op ghepanden en moege_ in eyng_ wijs / Jnd dat der vurss_ heren laten die nv sin off namoels werden moege_ dye ghemeynte gelege_ te bylrevelt ghebr˚ken moege_ / ind soelen ten ewige_ dage_ / gelijch onsse_ anderen luden sunder onsse hindernysse / off thorne dair aff te hebben / Mar weirt dat saeke dat die laten vurss_ eynige and_e g˚yde hedden off erkregen die den vurss_ ordin ind heren nijt toe en behoerden ind ave~gescheiden weren van der heren guyden vourss_ van dene_ guyden sulden die vurs_ laten / onss Engher ind dienst doin ghelijc onsse_ anderen onderseten / sunder wederspreken . Jnd want wir diese saeken vurss_ kenne_ ind gedain hebbe_ So geloeve_ wir in guyde_ trouwe_ v˚r onss ind onsse nakomelinge / die / vast / Sthede / ind omverbroeclich te halden ten ewige_ dage_ / ind dar o_me So hebben wir onsse Siegel aen diesen brief / mit onss_ wetentheit doin hange_ Jn ghetuygenisse der wairheit / Geg_ in den Jair onss here_ Duysentich / + dri + hondertich / + ind twe / + ind Tseve_tich / van den Meye des zesteinden + daigs