Corpus Van Reenen-Mulder (CRM14): Oorkonde P219p38201

Kont siin allen luden die desen tieghewoirdeghen brief suelen sien oft hoeren lesen / dat wi Stas van + den keirchove Meyer en schepen Robeirt van + den keirchove willem van koirswerme Stas van fl˚verdinghen bald˚wijn coijkoy Stas pouwes en he_ric van holderdinghen der cleirc / schepen des hoefs der h_en en der capitelen van S_ Johans van ludic in + den doirpe van Jo? voirmoels ghecleert hebben en noch cleren ov_mits desen openen brief / als dat ons kondich es / dat op eynen tijde die leden es voer ons quam eyn zeker bode / van + der h_en weghen en der capitelen der keirken onser vrouwen van Tongren / met eynre zekerre p_curasien en met levender woerheit En pruefde wetlic voer ons als dat peter gheheiten van + der bermeren ten tijde d˚ hi noch leefde / bezatte en lyet in gherechter aylmussen voer siin zele en voer siin Joerghetijde der keircken en der capitelen onser vrouwen van Tongren voers_ eyn mudde rogghen eirfpachs moten en pachs van sentruden op siin aendeil van sijnen kensghelanghe dat hoem petre voerg_ t˚behoerde van siins vaders en muders weghen als van + den erfgude dat voer ons meyer en schepen voers_ hovet en rurende es / dat selve mudde rogghen te deylen en te keren in + der keircken van Tongren voerg_ no + der begheerden des voers_ peters woer + bi dat die voerg_ zeker bode en p_cureirres tot orber en behuef der voers_ keircken en capitelen onser vrouwen van Tongren en in hoeren name / gheguet wart in dat voerg_ eirfmudde rogghen moten en pachs voers_ en ontfinghe gudinghe doer af / met allen den rechte en met allen den woirden dat + mer gudinghe no forme van testame_te / voer ons meyer en schepen voers_ pliecht en sculdich es te doende in gheliker zaken / die wilghe zaken voerg_ woirden in onser schepen voers_ hude en ghedinkenisse ghelacht van ons meyers weghen voerg_ En des wi meyer en schepen voers_ onse orken en recht voertijds ghehat hebben en ghehaven / En wi heynric schepen voerg_ om_e ghebreke ons zyghels bidden onsen mietschepen Robeirt voers_ datter ons in deser zaken sijnen p_p__en zyghel lenen wille / en voer hoem en voer ons desen brief bezighelen Jn ghetughenisse allen der zaken voerg_ zo hebben wi Meyer en schepen voers_ onse p_per zyghele ghehanghen aen desen openen brief En wi Robeirt schepen voerg_ hebben den voers_ heynric onsen mietschepen om_e sijnre beden wille onsen p_p__en zyghel gheleent in deser zaken en aen desen openen brief voer hoem en voer ons ghehanghen ghegheven op dat jaer van + der gheboirt ons h_en als + mer scrieft duzent dry + hondert twe + en + tachte_tich des twintich daechs in + der sprokillen