Corpus Van Reenen-Mulder (CRM14): Oorkonde P225p39901

Allen die dese lettere sullen ansien ende horen Mattijs keyen scout_ in die banc van Corsw_me Meeus Matsoens robiin leysmans henric maes willem toers ende herman buse late oft scepene_ d_ vors_ banc Groete met bekennisse d_ wareyt wet dat voer ons es comen willem joffr_ ysabielen van Coerswerme an een side Ende heylwijf ekelgans wilen w_dinne Jan knoeps an die andere side die vors_ willem Cande en_ lide voer ons openbaer dat hi om en sek_e sum_e ghelts hedde hem wael betaelt vercocht der vors_ heyleve_ die cande nae jnhauden haers vorscrevens mans testament ghecocht hebben achtien roeden ackerens~lants luttel meer oft men ghelijc dat ghelegen is bi corswerme an den boem bi twe bonre ackerens~lants den vors_ vercop_e toehore_de Ende lande heynmans van corswerme en_ die lande libr_ van corswerme en_ bi die lande henrix van willene en vier maniere_ alinc daer bi ghelege_ dat belast is m_ vj + . d_ tzeys waer~bi weert dat dit vors_ lant met meer bordene_ belast vonden worde dan vo_e vercleert is dat soude willem vercop_e der vors_ vrouwe_ oft den~ghenen daer dit lant nae haer doet nae dat testament hoers vors_ mans op vallen sal oprichten sonder eynich archlijst Ende met deser Condicien alsus verredent Soe heeft die vors_ willem dit vorscreven stucke lants siin goets willen kennende dat hi des wale mechtich was opghedraghen jn hant mijns vorscr_ scout_ tot orb_e naeme en_ p_fite der vors_ heyleve_ des lants clerlic voer ons vertiende eghien recht daer binnen behaudende En_ heeft die vors_ vrouwe van ons jn + den vors_ lande doen goeden en_ erven met manisse von_isse banne en_ allen rechte ons_ vors_ scout_ en_ scepenen ghewoenlic siinde waer bi wij scepene_ vors_ van onsen scout_ heer op ghemaent met von_isse ghewijst hebben der vors_ vrouwe_ van den vorscr_ lande volcomelic met allen loye en_ rechte d_ vors_ ons_ banc ghenoech ghedaen siin Jn welker dinghen wareyt soe hebbe ic mattijs meyer oft scout_ vors_ voer mich en_ die and_e scepene_ die eghien zieghele en hebben en_ wij Meens herma_ en_ henric voer ons en_ onse and_e mescepene_ die eghien zieghele en_ hebben t_ beden van hon en_ beyde d_ vors_ p_tien als scepene_ onse zeghele des_ l_ren doen anhanghen En_ om meerder vestenisse der vors_ poente_ soe hebbe ich wille_ vercop_e scepene d_~selver banc mine_ p_pere_ zeghel daer nae des_ l_ren doen anhanghen gegeve_ jn + den jare ons here_ dusentich dri + hondertich neghen + en + neghentich . . op den twelfden dach va_ meye