Corpus Van Reenen-Mulder (CRM14): Oorkonde P518r34721

Wi scepenen van Campenhout doen cont yghewelken dat quam Woutere van + der Goeds ende heeft ghenomen in erve ieghen Arde den borchgrave van + der Vuren vijf boender lands lettel min ocht meer in twe stcken gheleghen ane Rinnenberch , ende een boender helecht winninghen luttel min ocht meer gheleghen in twe stucken ane den Tyghelberch , om vijf sacke rogs ende ellef viertelen ende een halve viertele goden custbaer pacht~rogge , te Humelgheem ocht te Steynhockesele gheprijst , ter Vuren te leveren met der Vursther maten alle jare erfleec te gheldene te sente Andrijs + dage Arde voerghen_ , ocht den bringhere derre letteren ombegrepen te sine tote karsavonde ; vort es comen Woutere voerghen_ voer her Wouter Vander + ginten , rechter der capittelen sente Rombouds van Mechle , ende voer haer scepenen naghescreven droch op den here in de hant enen hof gheleghen te Steynhockesele , die wilen was Vranke Heets van Yesche , ieghen Godeverts Backers was over , ende een bempdeken neven den kercwech gheleghen ende een hofstat daer + bi , die was Clarissien Lambrachs , dat + men al houdt van + der capittelen voers_ op haren cheys , tenen onderpande te Boudens behoef van + der Lobeke over , den voerghen_ pacht ocht Woutere in ghebreke ware van gheldinghen gelijc dat voerghescreven es , ende es Bouden voers_ in dit goed gheerft met den vonnesse bi maninghen theren voerghen_ ende met wijsdomme der scepenen naghescreven niet achter ghelaten dat hijr van rechte was sculdech toe te ghesciene en si voldoen hijr waer over scepenen der capittelen voers_ , Jan Jans ende Lambracht Gilijs Jans sone , om die bede theren der scepenen ende beyder partien voerghen_ heb wijt scepenen van Campenhout beseghelt met onsen ghemeynen segele in kinnesse der waerheyt behoudeleec yghewelcs rechte . Int jaer ons Heren do + man screef M . + CCC . + XLVII op sente Katelinen avont .