Corpus Van Reenen-Mulder (CRM14): Oorkonde P541r33101

Wy Heinric van + der Lynden , Geraert de Zwerten , Lodewych Degreve , Jan van Uttreght , Heinric Camscerpere , Arnoud Voren Larien de Jonghe ende Heinric van Corpt , scepenen van Dyst , tughen dat vore ons ende Heinric Mothy scouthet van Dyst , Godeveert van Bielrevelt bekinde , gheloefde ende bewijsde ane sijn huis metten gronde , metten hove ende ane al + datter toe + behoert , dat steet bi + den muer van + den beghinen~hove ten Velde , dat hi becreegh in erfdome ieghen den proesst van Tongerloe , vire scellinghe goeder ouder groter coninx Tornose sjaers erfchijs ocht de weerde daer af in andren payminte , den voreghenoemde proesst zabs ende sconvints behoef van Tongerloe , erfleke te hebbene ende op te houdene , ende home daer af in drien tiden sjaers als + men sheren chijs van Dyst ghelt ummermeer ende eweleke te vergheldene . In orconde der waerheit hier af heb wij desen brief beseghelt met onsen seghele . Int jaer ons Heren dusent drie + hondert ende een ende dertech , achtiene daghe in Mey .