Corpus Van Reenen-Mulder (CRM14): Oorkonde P541r33102

Wij Heinric van + der Lynden , Gherart Desutere , Lodewijc Degreve , Jan van Utricht , Heinric Camscerpere , Arnoud voren Larien de Jonghe ende Heinric van Corpt , scepenen van Dyst , tughen dat vor ons ende Jan van + den Keldere , onder~scouthet van Dyst , her Heinric Heren Bauderix ende Clare syn suster , zetten in de hant ende gaven op in erfdome , met allen rechte , Heinricke Motyne , scouthet van Dyst , drie pont siaers erf~tsijs , enen goeden ouden groeten coninx Tornois voer actien penninghe gherekent ; van dien vijf ponden siaers erf~tsijs vorghenoemder munten , die her Bauderic haer vader hadde ontfaen ocht vercreghen aen twe ghedeelte van enen huis metten gronde , dat steet in + de Beverstrate bi erve Oden van + der Poerten , ghelike dat in + der scepenen brieven van Dyst steet bescreven , die wi saghen ende hoerden lesen , ende die ghemaect waren int jaer ons Heren doe + men screef m ccc ende vive , seestiene daghe in ougst~maent , in allen dien selven rechte sprioirs behoef van Tongherloe , erfeleke te hebbene , dat sine her Heinric ende sijn suster vorghenoemt hadden home den prioer ende die na hem solen comen in + de priorie , aldaer in drien tiden siaers als + men ons heren tsijs van Dyst ghelt eweleke ende ummermeer daer af tvergheldene . In orconde der waerheit hiir af heb + wij desen brief beseghelt met onsen seghelen int jaer ons Heren m ccc ende een ende dertech , tien daghe in Julio .