Corpus Van Reenen-Mulder (CRM14): Oorkonde P541r33401

Wi Jan van + den Velde , Jan Heren Jannes , Lodewyc Degreve , Jan van Utrecht , Jan Cryte , Lambrecht van + der Loeghenen ende Jan van Nedermolen van ? , scepenen van Dyst , tughen dat vore ons ende Alarde van + den Drijsche , scouteth van Dyst , Reynere van Beveren bekende , gheloefde ende bewysde aen syn erve , dat steet bi Claus Mynschards , seven scellenghe ende tue penninghe goeder ouder groten conincx Tornoise ende zesse miten sjaers erf~tsys , bruder Heinricke Heren Jannes ende bruder Arnoude sinen bruder , also langhe alsi leven solen ocht deen van hen also langhe alse hi leeft , ende na hare beyder doet der pitantien van Tongherloe , erfleec te hebbene ende in drien tiden sjaers , alse + men ons heren tsys van Dyst ghelt eweleec ende emmermeer daer af tvergheldene . In orconden der waerheit hijr af hebben wi desen brief beseghelt met onsen seghelen , int jaer ons Heren m ccc ende drie + en + dertech . xx daghe in Februario .