Corpus Van Reenen-Mulder (CRM14): Oorkonde P541r33402

Wij Jan van + den Velde , Jan Heren Jannes , Lodewyc Degreve , Jan van Utrecht , Jan Tereyte , Lambrecht van + der Loeghenen ende Jan van Nedermoelen van Poterim , scepenen van Dyst , tughen dat vore ons ende Gherarde Genesay onderscouthet van Dyst Alard van + den Drysche bekende ende liede dat hi heeft vergouden den reinmeester van Brabant van mijns heren zabts weghen ende sconvints van Tongherloe neghen pont , vijftine scellinghe ende sesse penninghe goeder groten conincx Tornoise , die mijn here dabt vorgh_ den vorghenoemden Alarde wale heeft vergouden ende betaelt . In orconden der waerheit hijr af hebwi desen brief beseghelt met onsen seghelen . Int jaer ons Heren m ccc ende vier + en + dertech , vyf daghe in Julio .