Corpus Van Reenen-Mulder (CRM14): Oorkonde P548r37301

Jc Thomas crana lomb_t diner van der lomb_der huys van halen / . Make cont allen luden / . dat mi miin live he_e en_ vrouwe van brabant weldaen en_ wel . betaelt hebben van vier hondert vier en_ eene_ halven dobel mot_ die welke Miin live he_e en_ vrouwe vors_ / Minen Meest_ van de_ vors_ huys van halen sculdich waren dat is te weten vor horen aendeel . van eenre brive van viif dusent drie hondert en_ twe cleyne mot_ die miin live he_e en_ vrouwe sculdich siin den ghesellen van halen van she_toghen~b˚sch van harentalz van lire / van brusele van eyncoert van trict van hogharden van tinen en_ van wavren / en_ houde mi daer af wel . . ghepaijt van miins meest_s weghe_ te heuweliken daghen van dien vier hondert en_ viift + alf dobelmot_ vors_ / En_ ghelove daer + toe soe waneer dat die anderen husen voldaen sal . siin eelc van sinen aendeel . / dat men onsen live_ he_e en_ vrouwe vors_ / haren p_ncipael . brief / weder~gheven sal . van d_e scout vors_ tot Miins lives heren vermanen oft binne_ viertien + daghen daer na . onbegrepen En_ sonder arglist / jn . orconde desen brief bezeghelt met Minen seghel jnt jaer ons h_en M ccc˚ drie en_ seve_tich op sente marg_ten dach .