Corpus Van Reenen-Mulder (CRM14): Oorkonde P548r39401

Allen luden die desen brief solen sien of hore_ lesen Wij Jan va_ swyg_hoven Lambrecht bake Art lodewix Jan van nychile Jan coex en_ Gheert van Tysbeke Late jn + den hof Jans van Bleckym Saluyt en_ kin_ise d_ waerheyt want Coenen wilen van bleckym als + men seeght Achte ponde payments braba_ts gheelts als in borsen gheet allen jaere en_ eerflech hebbe_de was op en_ ane ene sille droeghe eeusels luttel min of meer ghelege_ te bleckim aen de streken didericke van den vynne toebehore_de ter eenre zide_ aen valke_ streetken t_ and_re ziden en_ aen + de heerst_te ter derd_ Altoes op Synte Sthevens dach vallende En_ want hij Coene_ vors_ binne_ den Cloest_e en_ goetshuyse te Rottim daer hij home begheven hadde starf mijnde Mijn v_ouwe de Abdisse va_ + de_ vors_ Cloest_ nae vorw_de_ daer af ghesp_oken dat de vors_ viij lib + . payments op haere en_ haer Covent v_storve_ w_en en_ bleve_ nae doet conens vors_ En_ sochte ane Jan_e Coenens brud_ conens vors_ dat hij + se daer in goede_ en_ v_eerve_ woude De~welke Jan daer vo_e oghen staen_ seide dat hij al dat doen woude dat hij conde en_ in home were Mar want wij late vors_ met onsen Richt_e va_ + den vors_ hove daer over niet staen en wouden dat Mijn v_ouwe_ vors_ daer af goedinghe worde en_ hof~recht soe gaf sij vo_e ons late ende Richt_ vors_ te wete_ Arnoude va_ Haesbroech haer recht va_ + den vors_ viij lib + . eerftsijs ov_ claerlijc met halme willeme den Roeden daer yege_wordich en_ die met orco_scape ov_~neeme_de Soe eest dat daer om_e de vors_ Jan coene_s dat vors_ goet als pant va_ + de_ vors_ tsijse met de_ selve_ tsijse alsoe v_re alst in home was opdroegh en_ von_islijc v_tiende resigneerde onse_ vors_ Richt_e in sijn hant jn name en_ tot orb_ willems vors_ En_ dat voert daer in de selve willem met menisse ons vors_ Richt_s en_ onser late vors_ von_isse ghegoet waert Toeghedaen allen recht en_ solle_pniteyt dat daer toe behoerlijc was te gheschiene Egheen poent va_ rechte da_ in achter~ghelaten Behautlech en yghelike_ sine_ rechte en_ alsoe v_re als dat vors_ goet va_ + de_ vors_ hove cijslech rure_de es En_ tot alsulken ijnde Soe woer de vors_ . + viij . lib + . payments allen jare in + d_ vors_ voegen va_ + de_ besittere dies vors_ goets niet betaelt en worden soe~dat daer af enichs jaers ghebrech w_e dat niet sijn en moete dat dan de vors_ willem de ro~ede of mijn erven ofte nacomelinge solen moge_ come_ vo_e den vors_ hof clagen ov_ de_ vors_ ond_pant en_ nae d_ clagen v_volge_ nae recht of vsagie dies vors_ hoefs en_ nae de_ v_volge dien vors_ ond_pant solen moghe_ aeng_pen haude_ payslijc en_ besitte_ als haer p_per goet sond_ ymans begrep ofte calangie En_ wij late vors_ wa_t wij om brieve hier af te ghevene v_socht sijn en_ wij egheenre seghele en ghebruken in alsustenigen saken Soe bidden wij en_ v_soeken met eernste Eersame bescheide_ lide wout_en va_ d_ eyken Henricke va_ eltere Jan va_ ned_em Stas barbiers servase han_ema_s en_ arnoude va_ haesbroech vors_ Scepenen tshoefs van halen dat sij allen dat voirscr_ es ghelik_~wijs dat vo_e ons gheschiet es voert op hon drage_ wille_ en_ veeste_ met aenhangen_e haers zeghels En_ wij Scepen_ van halen vloes vo_egheno___ wa_t de vors_ late al dat voirscr_ es ghelik_~wijs dat vo_e ho_ gheschiede aen ons bracht hebben en_ in ons_ yege_wordicheit v_treckende ghetught hebbe_ daer om_e hare_ bede_ gheonstich wesende hebbe_ wij onsen ghemeyne_ seghel dies vors_ hoefs va_ halen dese_ l_ren aengehangen jn ghetughscap al des voirscr_ es Jnt jaer ons h_en Dusent Drie + hond_t Negentich en_ viere jn Julio die + me_ seeght hoymaent des vijfde daeghs een met Jan_e va_ + d_ huulst onsen metscepen . + j .