Corpus Van Reenen-Mulder (CRM14): Oorkonde P557r38101

Cont sij allen lieden Dat wij zuster K metter genaden goeds Abdisse van herke_rode van + der orden van cistias hebben verleent en_ gegheven met wille ende rade ons Convents Johan hermans soene struven van middelheren welner die heelft van onsen hof van Cuttichoven also sien vader herman plach te hebben van + der irsten porten toter porten van honbroec te Nyele wart mit huse en_ scure mit . neghentich . boenren winnens lants en_ zeven boenre weyden ende bemden tot den hove horende te houden ende te winnen te pechtech recht en_ reenghenoten van half merte doen men schreef . dusent drie + hondert ende . + en + en + . tachtentich . te viertien jaren naest~olgenden Alle iare om sesse en_ vyftich Mudde tarwen goet ende talech en_ om en + en tsestich Mudde rogghen maten en_ pacht van loen ende in + de_ lesten iare van desen jaren om sesse en_ vijftich Mudde tarwen en_ om een en_ dertich Mudde rogghen ons of onsen boden alle iare dese ghetoust / durende in sinte andries daghe des apostels deen heelft in onsen scuren en_ onsen z˚lren te Cuttichoven en_ dand_ helft in onsen zulre_ te herkenrode op des wennen waghene cost en_ arbeyt sal betalen en_ reyken op dese maniere . Dat die voerscreven wenne van + den dele van onsen hove onse blivende half die vrocht over die beke ter kerken wart alle iare dese ghetoust durende sal hebben ende heffen te sinen orber Ende mit als˚lker vorwarden dat die winne dese getoust durende alle iare die huse scure en_ stellinghe en_ ander ghestichten van sinen dele houden in dake en_ in wende sal weert dat die ghestichten vielen van ghebreke van timmerwerke dat souden wij doen maken Mer die winne sal sijn sculdich te leveren dit stroe en_ walme en_ betalen Jtem heeft die winne gheloeft twe bonren goeder stoppelen te leveren in + den hof alle jare dese ghetoust durende toten husinghen en_ m˚eren te houden Jtem heeft die winne gheloeft en_ sal sculdich sijn dese ghetoust durende dat lant voerscreven te merghelen ghelljc reenghenoten en_ hi sal dat lant driven ende mesten daert alremeest te doen sal hebben te pechters recht en_ sal dat mest nerghent keren noch voren dan op ons lant vanden hove Jtem want ons voersaten dit lant vorscreven van onsen hove ontfruchten ende hadden vurghenomen achte bonre lants ghesate mit wintercoren in enen stucke die winne hadde dat coren in enen stuc en_ coert in sinte philips en_ Jacobs avont soe sal ons die winne die acht bonre corens wale besaet en_ ghewonnen laten ghelijc reenghenoten Ende wij soelen kyesen in sinte philips en_ sinte iacobs avont in enen stuc Ende dand_ lant sal hi laten besaet met winter~coren ende ghemest ten lesten iaer Ende wij soelen hebben dien halven scoef En_ die winne sal hebben dand_ heelft van + der winninghen voer sijn ploech recht Jtem waert dat die winne enich scade hadde van desen hove oft winninghe dat souden wij dienen winne op~richten na pechters recht ende die kerken van ludic Ende weert dat wij scade leden oft scade hadden van + den winne oft van + den sinen boden dat soude ons die winne verghelden tot goder lieden segghen die wij daer toe kyesen souden Jtem die winne heeft ons gheloeft te betalen ten lesten iaer voer ses perde vier plueghe drie echden ene_ waghen beslaghen mit sinen toe~behoerden die wij oft onsen vorsaten sinen vorsaten leverden en_ leenden overmids goden luden op vijf en_ viertich schillinghe oud_ grote oft die werde daer af in reden ghelde of in waghen perde plueghe en_ egheden tot g˚eder lude segghen daer wij al irste toe willen kysen ten lesten iaer wanneer hij vut~varen sal Jtem voer dese saken heeft die winne om dese saken te volbrenghen hoem selven verbonden en_ sijn goede ghereet en_ onghereet mit alsulker vorwarden dat wij oft onse boden moghen aen~tasten ende op~heffen allen die goeden die den winne toehoren in enigher manieren hier namaels voer enich ghebrec in wat steden dat die goeden vonden werden sonder versueken enech ghericht ghelijc oft sij v_volcht waren mit allen recht / Vort waert dat die winne op enech iare meswas hadde dat hij niet en conde betalen dan souden wij hem beyden dertich mudde rogghen totten anderen iaer ende dit solen wij hoem driewerven doen dese ghetoust durende Ende weert dat die winne ons int iaer neest~volghende niet en betaelde dan mocht wij heem breken na die ghewoende vanden lande Vort heeft die winne ons gheloeft die tarwe en_ die rogghe wael te betalen in goeden pacht Ende wert dat die winne dien rogghe niet en conde betalen dan mocht hij ons betalen voer dien rogghe voer enen mudde rogghen twe mudde spelten van dien lande comende vorscreven Jtem heeft die winne gheloeft dese ghetoust durende enen verre / ende enen beer te houden om onsen tiendeneren te bewaren Jtem die winnen en sal en~ghene recht hebben in onsen bosch bider kerken van Cuttichoven dese ghetoust durende Jtem wij soelen ons scaepe Ende verken legghen te Cuttichoven in + den oegst al tot ald_ heyleghen misse Ende die winne sal die boden van + den beesten toebrode gheven sonder broet ende in anderen tyden en sal hi daer toe niet verbonden sijn Jtem sal die winne dat lant wenden ende braken gheackert laten want sij vorsaten dat lant gheackert vonden in haer inghaende Jtem sal die winne ons betalen seventien vaet crotken ende twentich hope crotken . vijftich hopen stroes rogghen ende een voeder hoeys die ons vord_ sinen voerd_en leenden Jtem eest vorwarde dat die winne en~ghene tiende ghelden en sal van sinen verken binnens hoefs + . Jtem eest vorwarde dat die winne sal alle iaer setten . twe + hondert goder abelen popeleren oft wyden poten wassenden en_ sal setten in onsen hof te Cuttichoven hondert oeft~boem ende sal + se bewaren dat sij wassen moghen binnen drie iaren neest~volghenden Jtem hij en sal en~gheen boem af~houwen sonder onsen wille mar hi mach soucken die wyden die om lant staen en_ niet om + den hof Jtem hebben wij heem ghegheven ons tiende van Cuttichoven van sente Jans misse neest~comende over viertien iaer volghende om . vijftich mudde corens half rogghen ende half ghersten maten van sintruden en_ pacht van loen ende om . ses . pont crueyts dat es te weten . twe . pont gengbers . also vele pepers en_ also vele caneels ende om . tien . pont was alle iaer in sinte Remeys daghe te vallen ende in sinte andries daghe te betalen mit alsulker vorwarden wert dat Johan vorscreven enech scade hadde in die tyende dat solen wij heem op~richten na die kerken van ludic . Voerdaen hebben wij heem ghegheven ons hovinghe gheleghen te Cuttichoven dat es te weten die bogart ter kerken wart en_ ons boverie metten hove daer bi en_ metten ene_ hof en_ den anderen die grote hof bi sinen hof ende den and_en gheheyten lanceute by + den brole die cleyhof en_ die keuthof mit onser boverien en_ haer toebehoert / Vort hebben wij ghegheven onsen win voerscreven een bonre en_ enen halven bemt in wolverspat en_ . vijf + ende twentich roden bams liggende in ribbenrode om viertien en_ enen halven cleynen gulden die hi ons alle iaer in alreheylegen daghe sal betalen En_ dese t_mine sal allen iare beghinnen te half mert En_ onse win_e voerscreven sal alle iaer deser ghetoust gheven en_ betalen tot dier husinghen behoef . vijf hondert walme op sinen cost te verdecken mit smeesters weten en_ wille Ende hi sal alle iaer op sine_ cost . twe roeden m˚ers oft hij sal die weerde daer af betalen tot goeder liede seggen Jtem sal ons Jan voerscreven allen daghe in sheren dienst mit sinen waghen mit . vier peerden dienen des daghes om enen halve_ gulden en_ een peert om . twe aude groet in sheren dyenst Ende wert dat daer enich scade af quame dat souden wij op~richten te goed_ liede segghen Jtem vort sal iohan voerscreven sijn sculdich te v˚ren van Cuttichoven te herkenrode die hondert Mudde roghen om . drie . mudde rogghen loens alsoe dic als te doen es alle iare van onsen Coren en_ sien knapen solen gaen eten in ons koeken en_ soelen hebben alle avont . twe . vate evenen tot haren perden Jtem wij / verlenen Johan voerscreven al onsen ciens die ons horen van + den hove van Cuttichoven dese ghetoust durende m_ alsolker vorwarden dat hi onsen ciens die wij sculdich sijn sal betalen in allen hoven op sinen anxt ende cost behoudelijc onser capunen die wij tot onser behoef behouden Jtem wij solen dien voerscreven win_e betalen alle iaer . drie mudde rogghen voer den hof te hoeden Jte_ van + den ghesten sal Johan vorscreven die ghest ontfaen en_ sal die maeltijt tellen en_ die namen scriven en_ wij solen heem daer af betalen te goed_ liede segghen Ende eest dat wij oft die meester die maeltijt sal die winne houden op sinen eet alle iaer Jtem die winne en sal en~gheen boem wassende oft droghe af~houwen sond_ des meesters wille mar hi mach soucken die wyden die om dlant staen Jtem sal hi al ons koren te Cuttichoven ontfaen en_ dat lev_en metter maten na slants ghewoende Jtem om meerre sekerheyt soe heeft Johan vorscr_ ghesat . vier bonre lants in den hof van henderic voer die scepenen van loen dat es te weten voer tielman hoese richter Johan ecbrecht Johan van Nyele ghyelis van langdris en_ Johan hoes + here tboenre op . drie penninghe siaers mit alsolker vorwarden wert dat Johan van + den hove voerscreven van + der tienden in enich ghebreec were dan souden wij oft brengher des briefs sijn hant slaen aen die vier boenre voerscreven als ons p_per erve . alle arghelist ute~ghesloten en_ wert dat in desen onderpant enich com_er quame boven dien ciens vorscr_ dat soude Johan voerscreven af~doen na loye van + den lande / die stucken van + den vier boenren . acht ende twintich groter roeden in haghe~broec bi dat erve rigart van millen op een syde en_ op dand_ syde henric sc˚ermeyer van colen Jtem ene bonre in nederhemvelt bi erve sinte andries auter in der kerken van loen op dene side en_ bi erve des heylichs gheests van nyele Jtem . twelf roeden after den hof . henric christians van hendericke tusschen erve poelmans van loen op dene syde en_ Convent van graet op dand_ syde Jtem op dwygarden berch . een boenre bi erve her ghijsbrecht van brokem op dene syde en_ herman henens op dand_ syde Jn welke . vier . boenren gerart die quade ons momber wart gheerft tot onser behoef me ban en_ alle recht des lans . Jn ghetughenisse der waerheyt hebben wij Abdisse voerscreven aen desen brieve onsen zieghel doen hanghen met der scepenen zieghel van loen voersc_ Ende wij dien scepenen voerscr_ om beden wille der partien voerscr_ soe hebben wi onsen zieghel hier aen doen hanghen te meerre sekerheyt van allen zaken boven bescreven . - Ghegheven in den iare ons heren . dusent . + drie + hondert + . ende en + en tachtentich omtrijnt sente Johans daghe baptiste . Sup_scripsij op sinen eet app_beren wij .