Corpus Van Reenen-Mulder (CRM14): Oorkonde P557r38601

Allen die ghene die desen brijf sie_ solen Ende horen lesen / Jan scoutet meiire in + der tijt / H˚brecht van rechoven / willem huusman / stas van zonne Ende peter vleminchs ghesworen laeten in + den hof van herkenrode grote met kennisse der waerheit / Soelt weten dat vor ons Comen es Joffrouwe yde van indove_ non_e tot herke_rode op die een sijde Ende Maes croucbeckere op die Andere sijde / welich maes heet ghekant en_ ghelijt vor ons / dat hij vercocht heet der vors_ Joffrouwe_ yden Een pont erfvelech te hebbene aen sijn h˚us en_ hof te halfmerte / Gheleghen in die prekerstrate te hasselt t˚sschen Jan morke_s hof op die een sijde Ende tylman oesselinchs hof was op die And_e sijde / Aen die steghe daer men ter predekeren h˚us wart gheet / met condicie_ en_ vorwarden / wert dat zake dat dat h˚us en_ hof vors_ eit mer vorebelaest were dan vier penni_ghe heren~seys dat heet die vors_ maes d_ vors_ Joff_ gheloeft af te donde / vortm_ wert dat zake dat der vors_ Joff_ yden ghebreke hoer seys soe soudde sij dat vors_ h˚us en_ hof aen~veerden ghelijch dat ons hof te recht steet met menisse en_ vonnisse onser laten vors_ / Ende hir op soe heeft Maes vors_ met sijne_ mo_bore metten vonnisse ghesat ghegoet der vors_ Joff_ yden met horen mo_bore gherat der cade metten vonnisse ghesat in dat pont Ende dat h˚is en_ hof te ene_ onderpande / met ban_en en_ feesten ghelikerwijs dat ons hof vors_ te rechte steet want wij late vors_ eghenen ghemeyne_ sighel en hebben Soe bidde wij den scepene_ van ben_en der stad van hasselt dat sij om_e onser beeden wille horen ghemeyne_ sighel hir aen hanghen willen . Ende wij scepene_ van ben_en der stad va_ hasselt der beeden der laete vors_ soe hebbe wij onsen ghemeyne_ sighel hir aen doen hanghen / in orkonde der warheit allen dat daer vors_ es Ghegheven in + den jare ons h_en . d˚sentich drie + hondertich Ende sesse + ende + tachte_tich