Corpus Van Reenen-Mulder (CRM14): Oorkonde P565r30701

Het si cont allen den ghenen die dese ieghen~werdeghe lettren selen sien ende horen lesen dat ver lisebeth die wilen was ser heinrex monards wijf heeft ghecocht en_ wetteleke ver~creghen ieghen woutren van wachelghen tuintech scellinghe Eweleke iaerlix te kersauonde te geldene in alselken paimente alse in borsen gaen sal ter capelrien behoef die her heinrec monart en_ ver lisebeth voreghenoemt stechten en_ fondeerden in den o_meloep van sente goedelen core binne_ brusele op derd + alf dachwant winnens lands die gheleghen sijn in de prochie sente vlrex capellen ter stat die gheheten es volbroech bi + maninghe_ Gilis van wachelghe_ die here was van den gronde / Ende bi wisdo_me sire late dire sculdech op waren te wisene Ende om~dat dit sal eweleke vast en_ ghestade bliue_ so hebbe wi gilis voreghenoemt onsen seghel ghehanghen ane desen brieue alse h_e van den gronde voregheseit / Ende want wi late gilis van wachelghe_ vore~ghenoemt enghene_ seghel en hebben so bidde wi vroeden lieden wouters laten van der capellen dat sie haren seghel hanghen met gilis seghele vore~ghenoemt ane desen brieue in kinessen en_ orkenscape der warheit Ende wi late wouters van der capellen om de bede en_ de ? der late Gilis va_ wachelghem vore~ghenoemt so hebbe wi onsen ghemeinen seghel ghehanghen met gilis seghele vore~ghenoemt ane desen brieue in orkunden der warheit dit was ghedaen int jaer ons heren doe men scref dusentech drie hondert ende seuene es sondages vore alre heileghen dach - -