Corpus Van Reenen-Mulder (CRM14): Oorkonde P565r31301

Alle den ghenen die dese lettren zelen sien ende horen lesen . Wij ghemeinlec der h_en scepenen van laken bi brussele salut en_ kennesse der waerheit Cont sij allen dat vore ons es comen jan van + der plast Oem ts_toghen van brabant van bastard haluen Ende heeft opghedraghen de Molen die was Nyclaus van Ossenghem gheleghen binnen der prochien van laken jn + de hande Nyclaus van laken die zone wilen was Mins her lidekins van laken Ridders alse h_e van + der vorseider Molen dewelke Nyclaus van laken hir + ou_ stoet van zins zelues weghen en_ van der gherre weghen die oec h_en zin van + d_ zelu_ Molen en_ jn horen name dewelke h_en de + vorghenomde Nyclaus vervinc in desen dinghen Te behoef vranc Eglois die zone wilen was ser Reyner Egloys der~welker Molen verwerp en_ verteech de + vorghenomde jan van + d_ plast en_ deder toe alle dat hire toe sculdech was te + doene bij Maninghen der vorghenoems h_en van + den gronde Ende bij onsen wijsdoeme Ende alse dit gheschiet was doe ghaf nyclaus van laken alse h_e van + den gronde den vorghenomden vranken Egloye de + vorghenomde Molen gheliic dat sij hem bewiist es erfelike te + houdene en_ ewelike te + besittene op alse zulc rechten_ Chens als + er schuldech es vte te ghane alse war + bij dat hir toe gheschiet es alle datt_ toe Metten rechte sculdech was te + gheschiene Ende alse al dit ghedaen was doen qua_ de + vorghenomde vranke Egloy en_ ghaf den + vorghenomden janne van + d_ plast de + vorghenomde Molen bij _sente en_ wilcore des vorghenoms h_en van den gronde erfelike te + houdene en_ ewelike te + besittene van + den vorghenomden vranken op den chens ende recht dat den h_en van + den gronde daer sculdech es vte te + ghane . behoudenlike den h_en altoes horen rechte Ende op enen chens van viif + en_ twintech scellinghen groet_ tornoise oud_ pe_ninghe van + d_ Monten des Coninx van vrankerike goeder en_ paiable elken groten tornoisen vor enen pe_ninc ghetels ochte de w_de daer af in andren goeden paim_te den vorghenomden vranken altoes te + v_ghildene en_ sire gheborten na zin liif alle jare dene helecht te + kersauonde en_ dand_ helecht te zente jans + messe in Midden~zom_e Ende dierste ene helecht te zente jans + messe naest toe_mende Ende o_me~dat dese vorghenomde dinghe vast en_ ghestade o_m__meer en_ ewelike zelen worden ghehouden Soe heb wij de + vorghenomde scepenen onsen ghemeinen seghel ane dese lettren ghehanghen jn orkonscape van d_re dinc en_ bij beeden d_ vorghenomd_ p_tien Dit was ghedaen jnt jaer ons + h_en dusentech drie + hondert en_ dertiene svrindaeghs vore halfvasten -