Corpus Van Reenen-Mulder (CRM14): Oorkonde P565r34301

Cont si allen lieden dat ic ghesen van Scellen meester van den gasthuus van Elsele buten bruesele gheloeft hebbe en_ gheloue vore mi en_ mine nacomelinghe alse meest_e van + den vorseiden gasthuus ten tide nv / en_ die namaels ten tide wesen sal h_en wille_me van duuenvorde h_e van Oesterhout / Ou_mids twee scellinghe g_te jaerlijcscher Renten die hi mi bewijst heeft jaerlijcs op te heffene en_ tontfane ane die husearmemeest_s van Sente guedilen / Metten welken twee scellinghe g_ten vorseit men copen sal forage den perdeken die de arme liede en_ die crudewaghene op~trect / en_ oec ghemaect Eten den armen lieden te gheuene o_me gode die + me_ dies nachts daer herberghen sal o_me~dat si sijns ghedinken selen / en_ vore hem bidden selen En_ kinne op mi en_ mine nacomelinghe alse + meest_e van + den vorseiden gasthuus / gheuielt dat niet wesen en moet / dat ic dies niet en dade alse vorscreue_ es / al~soe verre als + ment wetteleke op mi beproeuen mochte / dat ic dies jaers naest volghende niet hebben noch op~heffen en mochte van + den vorseiden twee scellinghe g_ten jn negheerre manieren jn orconscape der waerheit / bezeghelt metten ghemeinen zeghele van + den vorseiden gasthuuse Ghegheuen jnt jaer ons h_en Dusent Drie + hondert Drie en_ + - viertech op Sente dyonijs auont