Corpus Van Reenen-Mulder (CRM14): Oorkonde P565r35001

Cont si allen dat gheldolf van Coudenb_ghe heeft ghegheue_ willeme den smet van scarenbeke een hof gheleghen acht_ dkerchof van sente goedelen / acht_ thuus des vors_ gheldolfs en_ acht_ thuus des vors_ willems / ghelijc dat hem daer bewijst es en_ bemuert es / op de + zide des vors_ gheldolfs waert / Ende dat de vors_ muer es des vors_ willems Erflec te houdene en_ Eeuwelec te bezittene alle jaer o_me Sesse pond muu_te die men vsert ten tide van gheldene ghemeinlec in borse lopende de ene helecht te sente jans messe baptiste te siere gheboerte / en_ dand_ helecht te kersauonde te v_gheldene En_ gheloefde he_ daer af waerscap / Den vors_ cheins heeft gheloeft te gheuene de vors_ willem den vors_ gheldolue Erflec en_ eeuwelec alle jare ten t_mine_ vors_ / Met zelk_ co_ditien dat des vors_ willems muer op de zide te willems waert / ten minsten sal ziin zeuene voete hoghe boue_ der Erden / En_ woude willem vors_ een heymelecheit maken op de zide tsvors_ gheldolfs waert / dat hi dan maken moet / eene_ muer Sesse voete hoghe boue_ tgat van der pipen der heymelecheit / Dats te v_stane die boue_ den gate vte coemt / En_ dese vors_ hoeghde van den mure sal ziin alsoe breed alse thuusken van der heymelecheit es / En_ dese heymelecheit en mach willem vors_ niet zette_ en si jnt jnde van sine_ houe / Vord es te v_stane / al woude de vors_ willem te_meren op tvors_ hof op de zide svors_ gheldolfs waert / dat hi negheen licht maken en mach / op de zide tsvors_ gheldolfs waert / jte_ es ond_sproken / dat willem vors_ boue_ ane den vors_ hof tuschen h_en jans van machareus goed en_ hem zeluen beheymen sal van den eene_ muere toet den andre_ muere dwers dore den hof / ghelijc dat hem daer bewijst es ten minsten met ene_ tune / jte_ sal dreghen~water en_ reinewat_ svors_ willems lopen dore tgoed svors_ gheldolfs En_ gheldolf vors_ salt ontfaen op tsine t_ minster scade_ wane_ dat coemt / Dit es ghesciet bi consente matheeus van leeftale p_uisoer van der huusarme van sente goedelen / die + re ou_ + stont van der vors_ huusarme_ weghen alse here van den gronde behoudenlec altoes sine_ rechte / Hier ou_ waren Goessen de h_toghe / en_ amelrec taye / Scepen_ van brucelle / welker zeghele ane dese l_ren ziin ghehanghen Ghegheuen jnt jaer ons h_en . M . ccc . en_ viftech op den viftiensten dach van der maent van Septembre - - -