Corpus Van Reenen-Mulder (CRM14): Oorkonde P565r36701

Cont si allen dat wij Peter broed_ machiel de leeu die + men heet vten spieghele en_ willem dinghelsche p_uisoers van + d_ feesten van onser vrouwen brud_scap in Se_te Goedelen kerke van brussele bekinne_ en_ belien dat wij hebben ghecocht en_ v_creghen in de_ name en_ te behoef der voers_ feesten Sesse pond borseghels jaerlijx en_ erfelec te kersauo_de / op drie dachwant lans ond_ hofstade en_ houe metten husen daer op staende gheleghen in de p_chie van Scare_beke / neue_ de kerke tuschen de goede alijts tfroys / en_ de goede d_ zielmessen va_ Scare_beke / ghelijc dat scepene_~briue in~hebben die wij daer af ontfaen hebben / van + den welke_ ghelde wij p_uisoers voers_ gheloue_ alse van + d_ brud_scap weghen / om wijn te schinkene de_ goede_ mi_schen die ou_ Jaer bi_nen d_ selu_ kerken des sondaegs pleghen te_ heyleghen sac_mente te gane . xl . scellinghe tsiaers d_ voers_ mu_ten en_ te_ voers_ t_mine te betalene Met selk_ voerw_den / waer dat sake dat tvors_ goet ergherde al ocht in deele / Soe dat wij den cheyns niet en co_sten v_crighen Soe soude de vors_ goede mi_schen die to_sen here pleghen te ?ane de scade hulpen draghe_ na de ghelande va_ hare_ deele Jn orko_scape va_ welke_ di_ghen de zeghel ons_ voers_ brud_scap es ghehanghe_ aen dese l_ren Jnt jaer ons heren . M˚ . + ccc˚ . + lx . + en_ seuene op de_ sestienden dach va_ junio .