Corpus Van Reenen-Mulder (CRM14): Oorkonde P565r37601

Allen den ghene_ die dese l_ren zelen sien en_ ho_en lesen . Reynee_ Clueting ghehete_ de zeghel_e Ende Amelrec gehete_ was - Scepene_ in bruesele - Saluit met ke_nissen der waerheyt . Cont zi allen dat vo_e ons come_ ziin in p_pren p_sone_ . Jan ghehete_ cole zoen wilen was Coels van antwerpe_ . Goessen en_ marie ziin brued_ en_ zuster . En_ hebbe_ vnd_linge_ gheloet ghedeilt en_ ghesceede_ / also zi zeyde_ met voersienege_ en_ ripe_ rade alselke goede alse hen v_sceene_ ziin van vader en_ va_ moed_ / So dat de voers_ Janne gheuallen ziin te zine deele de goede hier na bescreue_ . Dats te wetene jn + de_ yerste_ hofsteede_ mette_ husen daer op staende mette_ bogarde_ Duufhuse / wat_en en_ allen hu_en and_en toebehoerte_ gheleghe_ te (onleesbaar) bruesele . ghelijc en_ also v_re alst wilen coel va_ antwerpe_ voers_ vader des voers_ Jans aldair houdende was . hem aldair volcomelec bewijst Op dertech pont payme_ts / telke_ tide van gheldinge_ ghemeynlec in borsen gaende . op zeue_ scillinge nuwe / en_ op Drie capune Jaerlec en_ erfelec dair wt + gaende . Jte_ den voers_ gosene ziin gheuallen Een Hofstad met ene_ Huse dair op staende . gelijc dat gheleghe_ is in + de krekelstrate / Tusschen de_ goede_ lijsbette_ wijf wilen was loeuijs van + d_ meere in deen zide / en_ de_ goeden wilen was danijs makers in dand_e zide . Hem aldaer volcomelec bewijst op vier pont en_ Tien scillinge payme_ts telke_ tide va_ gheldinge_ gemeynlec in borsen gaende daer Jaerlec en_ erfelec wt + gaende . Jte_ alf dachwa_t lants luttel me_ och meer . gelijc dat geleghen is in alrehande stucke_ Jn + de prochien va_ leuwe en_ va_ Rusbroec . gelijc oec dat wile_ Coel van antwerpe_ aldair houdende was op de_ cheys die dair sculdech es vyt te gane . Jtem der voers_ Marien ziin gheuallen Twe buenre lants / gelege_ in drie stucke_ dair af de ses dachwa_t geleghe_ ziin voer thof te meyghe_ . en_ een half buenre opt berseuelt . haer oec aldair volcomelec bewijst op den cheys dierre sculdech is vyt te gane . Ende et es te wetene Dat den voers_ partien noch v_scene_ es van + d_ doet huerre vader en_ moeder alrehande cheys bi_nen der vryheit va_ bruesele geleghe_ . De~welke . bute_ lotinghe_ en_ deylinghe_ bliue_de steet . Mette_ welke_ loten ende deylinghe_ gelijc zi vo_e bescreue_ staen de voers_ p_tien he_ wel ghecust en_ ghepayt gehoude_ hebbe_ in alle_ zide_ / En_ hebbe_ verworpe_ en_ v_teeghe_ met witteg_ v_tienissen mallec op anders deel in alle d_ maniere_ en_ voeghe_ die vo_e bescreue_ staen . Geloeue_de vo_e he_ hu_en oer en_ nacomelingen dese lotinge vast en_ ghesteede te houdene tewelike_ daghen / sond_ enich wedersegghen / in alle d_ maniere_ voerscreue_ ende daer + vo_e so heeft deen den and_en ghezet teene_ zek_en ond_pande / alle ziin goede eyghen en_ haue v_creghe_ en_ onu_crege_ / Gheloeuende deen den and_en dair af waerscap en_ altoes ghenoech te doene op datt_ yet ane ghebrake . Jn ke_nissen der waerheit hebbe_ wi . . Scepene_ voerscreue_ desen lett_en onse p_pre zeghele_ aengehange_ . Ghegeuen Jnt Jair ons h_en . Dusent Drie + hondert zes en_ Tseuentich opte_ yerste_ dach der maent Septembris - -