Corpus Van Reenen-Mulder (CRM14): Oorkonde P565r38901

Cont sij allen luden die dese lett_en selen sien ochte horen lesen dat qua_ vo_e den h_e va_ + de_ gro_de en_ vo_e de ma_ne die hier na benoempt siin jan h_e va_ scoe_houe_ en_ va_ pamele sone was here_ jans van scoe_houe_ ridders Ende droech op den h_e in + de hant neghen dachwant bemets leens luttel min ochte meer Ghelijc dat beleghe_ es jn + de prochie va_ Eu_re beneden Eu_re jn Ene_ stucke neue_ de goede der vrouwe_ magriete_ Clutings der vrouwe_ va_ Eu_re wijf heren jans va_ + der calst_en ridders aen deen side En_ die goede die ware_ gielijs van Elempt aen dander side Ende verteechs tote claes behoef mattijs de vleeschouw_e daer na waert die voers_ claes ghegoet in dat voerbenoemde leen jn allen dien rechte dat beleghen es En_ te verdienne_ als leen Dit was al ghedaen met oerloue en_ met manessen tsh_en van + den gronde En_ met vo_nessen va_ + den ma_nen En_ en~gheen poent va_ rechte acht_~ghelate_ datter sculdech toe was ghedaen te sine behoudeleec altoes yeghewelcs rechte dit tughe_ als ma_ne jan vter heleecht jan beye_noghe hei_ric va_ bulle_st__te_ en_ aert wellens En_ om~dat wj ma_ne voers_ en~ghene_ seghel en hebbe_ soe siin wj come_ aen goede eersa_me en_ wise lude ane die scepene_ va_ tieldonc En_ hebbe_ he_ ghebede_ dat sij ons dit beseghele_ wille_ En_ wj scepene_ va_ tieldonc voers_ o_me die bede va_ + de_ ma_ne_ voers_ soe hebben wj dese lett_e beseghelt met o_se_ eneghen en_ ghemeyne_ seghele ons scepe_doems Ghegheue_ int jaer ons h_en doen me_ screef dusentech drie + hondert tachte_tech ende neghen op den and_en dach va_ Oeghstemae_de