Corpus Van Reenen-Mulder (CRM14): Oorkonde P565r39601

Wij Gielijs gheheten de brune priest_e p_chiaen en_ kercmeester der fabriken van sente goedele in bruessele Jan geheten fraybaert en_ Jacop taye kercmeestren oit der seluer fabriken / in + den name en_ van + d_ voirs_ fabriken wegen bi Rade weten_ veruolghe ende consent Eersamer h_en Des Dekens en_ der capittlen der seluer kerken / En_ Jc Dieric van + den heetuelde ridd_e Dierics zoen was van + den heetuelde / Doen cont allen lieden / dat wij kercmeest_s vors_ voir ons en_ vo_e die kercmeest_s / die altoes in toecomen_ tiden kercmeesters d_ voirs_ fabriken siin selen En_ Jc dieric van + den heetuelde vors_ vo_e my miin oir en_ nacomelingen / Een ouerdrach cleer cleere vorwarden en_ sek_e geloiften ende diuisien / malc met and_en gemaect hebben van alselken poenten en_ articulen als hier na ghenoempt staen / elc op hem seluen / Jrstwerf als van enen buenre steenlants luttel min of meer ghelegen op cattenbroec / dwelc wij kercmeesters vors_ in + den name der vors_ fabriken vercregen hebben de stene daer vte te grauen en_ onsen p_fijt daer mede te doene ter fabriken behouf jegen Religeusen p_sone_ (-) vrouwen der Abdissen en_ Conuente des cloesters van + d_ cam_en der orden_ van cysteaulx d_ dyocesen van camerike / bi consente haers vaderabs om hondert gulden_ franken der munten des Coninx van vrancrike / die wij kercmeesters van + d_ kerken wegen wel betaelt hebben den vors_ godshuse van + d_ cam_en in ghereden ghelde / en_ daer + toe jaerliken en_ erfeliken om Dertich gulden_ florine gheheten cheins gulden_ goide en_ gaue of de weerde daer af half te kersauonde nv naest comen_ / ende half te sente jans misse baptisten daer naest volgen_ / En_ also voert alle ja_e erfeliken te verghilden_ welken jairliken erfeliken cheins der vors_ dertich gulden_ florine wi kercmeesters vors_ van + d_ vors_ fabriken wegen bewijst hebben den vors_ goidshuse van + d_ cam_en met onsen openen brieuen op alle die goede_ Renten en_ veruallen der vors_ fabriken waer sij ghelegen siin . Kennen wij kercmeest_s en_ Dieric van + den heetuelde vors_ dat wij de vors_ hondert franken en_ de vors_ dertich cheins gulden_ jaerlix erffelix cheins / die de vors_ fabrike allene bi haer seluen verleet heeft en_ bewiist gelijc vors_ es / gheualueert hebben met eendrechtigen accorde of viif hondert vrancrijcscher franken ende vijftich der mu_ten vors_ eenwerf te geuen_ . . Jtem siin wij kercmeest_s en_ dieric vors_ ou_dragen / want jc dieric van + den heetuelde vors_ een leye ende lant hebbe toten vors_ buenre steenlants dienende / dat ic dieric sal en_ sculdich ben van mine_ lande de vors_ leye te leu_en en_ dies ghelijx alsoe veel lants op te ? alse ons behoeuen sal ten vors_ buenre steenlants te grauen_ Jtem siin wii ouerdragen dat de vors_ fabrike vo_e wtleggen sal den cost die + men leggen moet / aen de vors_ leye en_ daer toe den cost van + den ? / En_ hier op en_ (-) ouerdrage vors_ / Soe sal + men tfoers_ buenre steenlants doen g_uen als + men haestelicste can met spartelen / En_ alle de stene vten vors_ lande comende alsij opten poel staen altemet datter een deel op + den poel staen sal / sal + men + se ou_slaen en_ scatten bi + den genen dies hen verstaen / ende sunderlingen nae~dat + men + se op dien tijt (-) vercopen soude mogen / also dicke alst te doen siin sal sond_ fraude of argeliist / en_ alle de weerde der vors_ stene / alsi in + d_ mani_en vors_ ouerslagen en_ ghescat selen siin / Sal de vors_ fabrike bi ha_en clerc of~diene_ / die ten tide van + d_ fabriken wegen daer toe gestelt sijn sal ter gewarigher ende witteger Rekeningen of bewisinge ter fabriken behouf alleen heffen en_ hebben Sonder my dieric van + den heetuelde vors_ of minen oir of yeman_ van minen wegen in stenen of in gelde yet daer af te geuen_ of te deylen_ tot ane diere tijt Dat de vors_ fabrike bi haer seluen alleen afgedragen sal hebben ganseleec en_ altemael van + den vors_ stenen op de vors_ scattinghe de vors_ viif hondert en_ viiftich vrancrijcscher franken Den cost de vors_ fabrike ane de leye geleet sal hebbe_ den cost van + de_ vors_ g_uers en_ alle and_e coste die daer op ghegaen selen siin en_ die de vors_ fabrike daer om wtgeleet sal hebben Jtem siin wii (-) ouerdragen als voer alse de fab_ke alle tfors_ gelt van viif hond_t en_ viiftich franken eenwerf van + den coste van + d_ leyen en_ van + de_ grauers en_ and_e coste ane de vors_ stene op de vors_ scattinge altemael (-) geheuen sal hebben ter goid_ bewisingen en_ Rekeningen / Dat wij kercmeest_s vors_ in + den name d_ vors_ fabriken / alse voer deen heelicht / en_ jc dieric van + den heetuelde of miin oir daer ic afliuich ware alse voer dand_ heelicht van dan vortane te gad_e geliic selen doen grauen tfors_ steenlant den grauers sond_ vertrecken en_ allen den cost half en_ half te doen / betalen en_ de bate daer af comende half en_ half deylen en_ heffen jtem siin wii ouerdregen dat wii vercrigen selen als + men yerste mach dlant daer naest liggende daer + men vermoedt dat steen jnne wesen mach / en_ dat altoes gelijc gelden en_ deylen / en_ deen den and_en dair af niet te ontsteken / dies wii als nv vercregen hebben drie dachwant lants die toehoerden d_ Scolastrien p_uende tanderlecht ane de zuytside liggende aen tfors_ buenre steenlants dair wii vo_e gheloift hebben te geuen d_ vors_ scolastrien acht zist_ corens jairlic en_ erffelic jtem hebben wii vercregen een dachwant lants luttel min of meer aent eynde d_ vors_ drie dach_ lants liggende oestwert dat vrancs gheheten heelts was / dat wii h_ dieric vors_ gewisselt hebben om and_ lant geualueert op drie zist_ corens jaerlics erfelec / Welke poenten voerwaerden en_ ouerdrach alle voirscr_ wij kercmeest_s in + den name der vors_ fabriken en_ Dieric van + den heetuelde vors_ vo_e my miin oir en_ nacomelinghe_ gheloift hebben ende gelouen alse goede kerstene lude in gherechter waerheyt in alle der manieren vors_ van poente te poente te houden_ ende te voldoene / sond_ daer jegen in enigherwiis te gane of te doene bi ons seluen of bi yeman_ anders met enighen gheweer gheestelec en_ weerleec Ende da_ + enbouen met scepenen~brieuen van bruess_ van waerscapen en_ met notarijs~brieuen malc and_en dese vors_ saken te elx versueke of ten versueke van enigen van ons te vestene en_ te sterkene allen argheliist wtghesceden in desen zaken Jn kennissen der waerheit alle der dingen vors_ / hebben wii voerg_ kercmeest_s der vors_ fabriken ghemeyne_ segel En_ ic Dieric van + den heetuel_ vors_ minen propren segel desen l_ren / derre elc va_ ons beyde_ enen gheliken brief vten and_en hebben doen maken aenghehangen Gegheuen jnt jair Ons h_en Dusentich drie + hondert Viue en_ tnegentich opten yersten dach d_ maent van meerte