Corpus Van Reenen-Mulder (CRM14): Oorkonde P576r37601

Allen den ghenen die dese l_ren selen sien ende horen lesen . . Suster . . Magriete bi + d_ ghenaden goeds . . Abdisse en_ alle Conue_t van + den Cloest_e van Cortenb_ghe der Ordene_ van sente b_n_dictus in + den biscopdome van Camerike De cleyne Canoenke van sente Goedelen kerke in bruessele ende adaem van + den ackere . Priestere Capellaen des Outaers sente Marien Magdalene ghelege_ in + den Ommeloep van + der seluer kerke_ van sente goedele_ / Salut in gode met ki_nessen der waerheit want in + de p_chie van diedeghem op de woluwe / ter steden die men heit ten bosche een molenslach gheleghen is / daer voer~tijts ouer langhe jaere een molen te staen plach / op welke molen~stat en_ molen vors_ / doe si daer op stiet onse vors_ Cloester va_ Corte_berghe te hebbene plach en_ te heffene jaerliix en_ eerfelike / drie_ Mudde Roxs / wij cleyne canoe_ke van se_te goedelen vors_ / neghen sister roxs een gans ene_ Capoen viue pe_ninghe en_ ene_ hellinc neuwe / ende . viu + e_ + twintich eyere / ende de vors_ Capelrie van sente Marien Magdalenen neghe_ sister roxs twee ganse ene_ Capoen / en_ viue pe_ninghe en_ ene_ hellinc neuwe erfelec cheins en_ pachts ende eyghens goets / Ende wa_t de vors_ molen ouer vertich jaer ende meer te~valle_ ghewest heeft ende te~male te ni~eute en_ alsoe dat wij p_tien vors_ van dier tijt tote noch gheweest hebben en_ noch sijn in ghebreke van al onsen vors_ tseinse en_ pachte daer o_me eest dat wij ane~ghesien ghemeinen orbore ende p_fijt van ons / wij Abdisse en_ Co_uent van Cortenb_ghe / Cleyne Canoenke van sente goedelen en_ Adaem van + den ackere Capellaen vors_ in desen saken mechtich bi + den orloue der Capittelen va_ sente Goedelen / nu daer toe ghewillecoert en_ verlent p_tien vors_ hebben doen opslaen eendrechtelike ende te~gadere / dats te wetene / elc van ons drien vore sijn deel / een slachmolen op de vors_ molen~stat welke slachmolen / na~dat si op~ghereet was en_ volmaect wij p_tien vors_ / ende elc van ons vore sijn deel / en_ recht dat hi daer ane heeft hebben ghegheue_ en_ geue_ met desen jeghenwoerdegen brieue willeme wilen zone was wout_s van + der slachmolen van diedeghem / de vors_ molenstad metter molen die + re nv op steet te houdene en_ te besittene va_ onsen weghen erfelike en_ emmermeer alle jaere op alsulken erfelike_ cheins en_ pacht alse hier na bescreue_ steet / Dat es te wetene onsen Cloestere van Corte_berghe vors_ / neghen sister roxs goet pacht~corens in twee (onleesbaar) na den besten metter maten van bruesele / te Corte_berghe te leuerne / ons cleyne_ Canoe_ken van sente goedelen vier sister ende twee vertelen roxs / een gans / ene_ Capoen / viue pe_ninghe en_ ene_ hellinc neuwe / en_ viu + e_ + twintich eyere / ende mi Adaeme Capellaen van sente Marien Magdalenen Outare vors_ / tote der vors_ Capelrien boef / oech viue sister en_ twee vertelen roxs / goet pacht~Core_s vors_ te bruesele metter maten van daer te leuerne / twee ganse / ene_ Capoen / en_ viue penninghe en_ ene_ hellinc neuwe erfelex cheins en_ pachts vors_ / altoes te kersauonde te betalene / Ende voert op alsulken ceins / alse vter vors_ molenstat anders van rechte es sculdech te gaene / en_ gheloue_ den vors_ willeme hier af waerscap / Ende de vors_ willem / heeft weder ons gheloeft / den vors_ erfeliken cheins en_ pacht / ons te betalene ghelijc dat hi boue_ vercleert es / ende dat hi de vors_ molen sal houden staende / wale en_ lovelec van allen harer behoeften en_ noetdersticheiden tote euweliken dagen en_ de vors_ goede niet ergheren maer altoes beteren ghelijc dat scepene~brieue van bruesele / de~welke die hi ons bekinnen sal vore scepene_ / en_ daer af doen maken volcomeliker en_ selen inne~houden Jn orco_scape van welken dinghen / wij Abdisse en_ Co_uent van Cortenb_ghe vors_ / Ende wij cleyne Canoenke van sente goedelen onse ghemeinen seghel hebben ghehanghen ane dese jeghenwoerdeghe l_ren / Ende voert meer / wij Capittele van sente goedelen voersproke_ / wa_t de vors_ here Adaem bi onsen co_sente en_ willecore dese zaken aldus ghedaen heeft o_me p_fijt en_ orbore sire vors_ Capelrien / Soe hebben wij vte versoeke va_ heme en_ in + den name van sire capelrien wegen metten zeghele_ voersproke_ dese brief besegelt met onsen ghemeinen zeghele van zaken in kinnessen der waerheit Dit was ghedaen en_ ghegheue_ jnt jaer ons heren alse men screef / dusentich / drie + hondert / tseue_tich en_ viue op den vijftienden dach in merte - .