Corpus Van Reenen-Mulder (CRM14): Oorkonde P626r33702

Het si cont en_ kenleech al den ghenen die dese lett_e selen sien en_ hore_ lesen dat heinrech meier helli_c van holaer hebbe ghe~daen ene waerhede en_ doen ghebieden vte der kerken van holaer alse tusschen de capittele van sente goedelen van brusele en_ de prochiaen van holaer en_ jeghen Miere vrouwe_ abdesse van + der camere_ alse van + der cleinder tienden van holaer jn + der welker tienden Miin vrouwe voer~seet woude hebben de tue + deel van al dien dat tiende gaue niet vte~ghe~nome_ no van wine no van gherande cleinder tienden . waer bi dat qua_ een goet we? cnape en_ tuide op Sine e? dat hi hadde ghesien bi drien p_rchiane_ ouer . xxx . jaer en_ Meer dat de p_rochiane van holaer voer~ghe~seet hadden ghehauen al de cleine tiende en_ de wiin tiende niet vte~ghenome_ . Sonder calengiere_ van Mier vrouwe_ en_ van den ghene_ die meester en_ bedriwere ware_ en_ al dat selue tugde een and_ cnape en_ de derde en_ de vierde en_ de vifte en_ de seste en_ de seue_ schepene_ van holaer van woerde te worde Daer ouer sat daneel serteel vra_ke lollus alse ma_ne Miins here_ sertoghen van braba_t jn orco_de der waerheit Soe hebbe wii schepene_ van holaer onsen ghemeine_ seghel ane dese jeghe_waerde lett_e ghehanghe_ dit was ghedaen jn jaer ons here_ de + me_ scref M˚ ccc˚ en_ xxxvij sondaechs na alre apostel dach - - -