Corpus Van Reenen-Mulder (CRM14): Oorkonde P678r39901

Wy Art van der borch Meyere onser Eerwerdegher Vrouwen van pietersim / En hoeren ghesworen / laet~Hof tot brustem loywijc der scheepen kerstiaen struven ghilis caken en_ Rutgher der briedere late des vors_ hoefs Doen gr˚ete Aen onsen here met kennisse der saken hi onder ghescreven so wy daer om_e voer ons als voer hof sijn comen Eersame wise en_ bescheyden heren her lambrecht van Aelst proeft En_ her Roebijn srijcs moninch des cloesters van sintruden met henric stas hoere_ verleende mo_boer van ons hoefs weghen jn name en_ tot orbere sinte eelsbeene_ altaer gheleghen in dat vors_ cloester / En sprake_ ane erfgoede jans van der stocht gheleghen tot bruste_ bi goede die kind_e hastarts op die een side Ende arts van gheline_ op die ander side / Ende seyden dat dat vors_ erve en_ gheleghe den vors_ . altare sculdich were te twee tiden alle jare sesteen aude groete en_ eene_ halven payen ghelijch dat der hof~here niempt voer den auden groeten / Der vors_ jan quam voer oeghen voer ons vors_ Meyere en_ laten En cande en lide dat hi sculdich were den vors_ altaer op sinte johans dach baptiste_ achte en_ eenen halven aude_ groeten . En_ op sinte Remeys dach achte aude groete oft twee brabans scaelgen daer voere jn + der werden dat si nv gaen op daet des briefs oft in andere_ goeden paymente . Ende wert dat sake dat die vors_ scaelgen verghinghen ocht lichden En_ mee + ter niet en_ vonde so sal der vors_ jan moeghen gheve_ voer elken auden groeten vijfteen aude swerte / oft also + mer te dene_ tyde heffen sal dat meeste paers van gheesteleken goede jn die vors_ vriheyt van bruste_ voer den aude_ groete_ en_ daer mede soude hi volstaen / Ende dese vors_ kinnisse ende Condicien woerden jn onser hoeden ghelacht ter beeden beyde der partien / Ende daer wy ons recht ane hadden / Ende beyde de partien hiesschens brieve ende baden ons dat wy dese vors_ Condicie op hon wouden zieghelen / En ghetughenisse der waerheyt der saken vors_ hebben wy Aert als meyere lodewijch kestiaen en_ ghilis als late voer onsen myede~gheselle te sinre beden en_ beyde der partien onse p_pere zieghele hi aen ghehanghen gheschiet / jn + de jare ons here_ dusentich dri + hondertich neghentich en_ neghene jn + der Maent van october des twintochte daechs .