Corpus Van Reenen-Mulder (CRM14): Oorkonde Q001p38601

, , Cont si allen luden dat jch henric vas scepene te zonuwe hebbe wale @ wittelijc vercocht ervelijc al jaer jonfrouwe Aleyt van + der donc custers te herkenrode met johan van + der vort horen mo_bor hoer ghegheven voer die richter en_ scepene hier onder ghescreven drie gulden hellinc van goden goude drie Aude scilde voer vier gulden gherekent te betalen allen jaer op seint remies dach op en_ aen seven sillen bamt en_ ente gheete_ warder~ente gheleghe_ op die laeme bi ervenisse Renken thies op dene side en_ bi ervenisse johans van + der warden op dander side en_ dander beyden siden bi ervenisse leensken h_mans soene / jt_ op ene bonre of bat winnens lants ghelegen bie + der warden bi ervenisse henric papen neve op twe siden en_ ervenisse henric haghedorne en_ Johan der hase op die vierde side / welc voers_ onderpant die voers_ henric van + der haghedorne heeft ervelijc van mich henric vas scepene op drie roial ciens / welc onderpant ich henric vas met dien onderpant hebbe opghedragen in hant des richters en_ verteghen en_ hebbe doen goden jonvrowe aleyt met horen mo_bor voers_ tot behoef der pita_cie van h_kenrode ervelec met manisse des richters en_ vo_nisse der scepene hier onder ghescreve_ met ban orconde en_ allen recht te behoef der pita_cie voers_ met alsolker vorwarden wer dat in eneghe jaer die voers_ pita_cie niet en_ werde betaelt in seint remies dach voers_ dan soude die pita_cie oft hoer mo_bor aen~verden metten recht die onderpant en_ mien nege_ aude groet die mich henric toe~hoeren / op die gront ciens al erghelist vte~ghesloten / hi bi was henric van + den hage_dorne voers_ voer Art marscal richter / art vos / art cole cornelis van + der warden / johan soer henric van + den ve_ne en_ johan belen scepene te Zonuwe / liede en_ kande al dese vorwarde op dien onderpa_t voers_ / behoudelijc en yghelijc siens recht / En_ want ich noch die scepene en~ghenen segel en hebben soe bid ich henric vas voers_ ene_ werdeghe en_ Edele h_e minen here van hamel en_ h_e te Zonuwe in der tiet dat hi wil Aen desen brief sinen segel doen hanghen jn orconde der wareit / En_ wi johan van hamel ridder h_e te Zonuwe om beden wille henric vas scepene te Zonuwe hebben onsen segel hier aen doen hanghen in orconde der wareit / ghegheven jn jaer ons h_en ghebort dusent drie + hondert en_ sesse en tachtich elf daghe in mey