Corpus Van Reenen-Mulder (CRM14): Oorkonde Q002p38201

Cont sij en ygheliken dese tieghenwordeghen lett_en siende en_ horende dat wij brueder pelegrum Prioer Reyn_e probus arnod van rechoven dyoniis van hamele en_ die ghemeyne bruedere der ordine_ van sinte Augustinis des co_vints van hasselt groete in onsen here doen cont met desen Opene_ brieve dat wij met ripen rade en_ eendrechteleec aenghesien hebben noet en_ orber ons co_vints om welghen orber wij vercocht hebben erfeliicheide_ ene_ eersame_ man johan_e van~den~bosche wonende te duras twee en viertech grote paymins dat is te wetene alsulghen tgiis als ons toe~behorende was en_ wij heffende waren van greve arnouts weghen van loen aen den beemptde gheleghe_ achter siins Joha_s hof voers_ en_ lambrechs siins brueder om een seker som_e van ghelde ons wale en_ wetteleec betaelt waer om_ dat wer des voerghenoemptde tgiis ave~ghega_ghe_ siin en_ ave~gaen en_ vertien en_ quite scelden den voerghen_oemptde_ onderpant en_ bekin_en den voerghen_oemptden Johanne coep_e dis goits alle dat recht dat wij der ane hebbende siin en_ hebbe_ alle arghelist vytgheslote_ En_ jn ghetughenisse der waerheyt dat dis alsus ghesciet es hebben wij bruder prioer voerghes_ en_ tghemeyne co_vint voers_ onse sighele dese tieghe_wordegher lett_en ane~gheha_ghe_ Ghegheven jnt jaer ons h_en Dusentech dri + hondert en_ twee + en tachtenyech in die hoymaent des sesteende daechs