Corpus Van Reenen-Mulder (CRM14): Oorkonde Q002p38401

Allen dien~ghenen die desen brief sien solen of horen lesen scoutet en_ scepenen van buten der stad van hasselt ken_isse der waerheyt met g_ten wet dat voer ons comen is in p_p__en p_soene claes weer cleric en_ heet bekant dat hi wetteliic vercocht heet arnout zeebouts van runx den auden drie pont erf en_ jaerliics cheys der stad vors_ erfliic jaerliics te gheldene te half meerte en_ te nemene en_ op te haudene nae des h_en cheys aen twee bonre bampts gheleghen te cruytsen luttel men of mee tusschen erve des g_ve_ va_ loen van veghtmale en_ Johan hulkens des Jonghen op alsolighe voerwerde weert dat arnout vors_ namaels ghebrec hedde der drie pont ten termine vors_ te betalene dat hi dan den onderpant vors_ in name van onderpande ghesat aen~veerden mach en_ hoem daer mede behelpen gheliic ons hof hoem wisen zal en_ daer na nae opdraghen en_ vertienisse claes vors_ en_ Johans berts siins mo_boren arnout vors_ wart ov_mits ons wetteliic en_ von_isliic in die drie pont erf~cheys en_ in + de_ o_derpa_t vors_ ghegoet en_ gheerft met banne en_ allen and_en feesten in onsen hof sculdich te ghescien van rechte en_ van ghewoente_ behaudeliic alremallics rechs Jn orkonde der waerheyt hebben wi onsen ghemeyne_ sighel aen desen brief doen hanghen ghegheve_ jn + den ja_e ons heren dusentich dri + hondertich viere en_ tachtentich teen daghe jn + den zaet~maent .