Corpus Van Reenen-Mulder (CRM14): Oorkonde Q002p38601

Allen dien~ghenen die desen brief sien solen of horen lesen scoutet ende scepenen van buten der stad van hasselt kennisse der waerheyt met groeten wet dat voer ons comen es in p_p__en persoene arnout zeebouts van runxs der aude voerscreven ende heet die drie pont erfliics ende jaerliics cheys in + den brief daer dese doer ghesteken ende aene ghehanghen es met sinen moet~wille in allen derre maniren ende formen dat sy in denen brief voerscreve_ begrepe_ staen opghedraghen in ons richters hant te orber ende profite joffrouwen yden van Endoven nonne in + den convente van herkenrode van + der ordinen van cystias ende verteech daer op tot horen behoef nae welighen opdraghene ende vertienisse arnouts voerscreven ghedaen die voerscreven joffrouwe yde met arnoude van runxs den Jonghen horen momboer daer toe hore overmits ons vonnisliic ghesat wart ov_mits ons wetteliic ende vonnisliic in die drie pont voerscreve_ ende in + den onderpant ghegoet ende gheerft met banne ende met allen anderen feesten in onsen hof sculdich te ghescien van rechte en_ van ghewoenten behaudeliic alremallics rechs Jn orko_de der waerheyt hebbe_ wi onsen ghemeyne_ sighel ons scepens~stoels aen desen brief doen ha_ghe_ ghegheve_ in + den ja_e ons h_en dusentich dri + ho_dertich sesse en_ tachentich . + xx + . daghe in de_ loemaent