Corpus Van Reenen-Mulder (CRM14): Oorkonde Q002p39201

Wir mathiis van keysele henric van wustroede marten moul en_ henric deckere laete jonch_en goedevarts van + der herken doen cont alle luden dat vor ons en_ Milis daneels richt_e des vors_ hoefs come_ es jn p_pre p_sone een Eersam man stas van boechout en_ heeft met menisse ons richters en_ vonnisse onser laete vors_ ghegoet ene_ eersame_ man goedevart van de wyere port_e te hasselt jn een mudde roegghen maete_ ende pacht van hasselt erflec en_ ommermeer te betalene in sente andries messe en_ te leveren te hasselt op vive + en_ + twintech roede_ lants en_ viifteen roede_ luttel min of me gheleghen ter temmen die hoven vor onsen vors_ hof op die swerte tsiis gheldende jn de_ hof ter herken jn sente stevens daghe en_ ontfaen met menisse en_ met vonnisse gheliic dat ons hof te rechte steet Jn dere vorwarden dat stas vors_ of siin naecomelinghe_ dat _udde rogghen en_ den onderpant quite_ en_ bescudde_ moeghe_ binne_ sesse jaren met ene + en_ dertech guldene_ hollans nuwe als ginghe en_ gheve gaen of die werde dar af Jn ghetuch der waerheyt hebbe_ wir laete vors_ ghebede_ want wir ghene sieghele en hebben Milis onsen richter vors_ dat hi sine_ sieghel vor ons hir aen wille doen hanghen En_ wir Milis richt_e des hoefs vors_ hebbe om beden wille der laete en_ der p_tien vors_ mine_ p_pere_ sieghel hir ane doen hanghen jn + den jare doen mer screef dusent tri + hondert neghentech en_ twe des leste dachs van october