Corpus Van Reenen-Mulder (CRM14): Oorkonde Q002p39401

Allen den~ghenen die desen brief sien solen of horen lesen Scoutet ende Scepenen van bennen ende buten der stat van Hasselt kennisse der waerheit met g_ten want peter oterman der heyligeest der armer jn + der stat van hasselt in sinen in~comen doen hi heyligeest ontfangen wart geloefde ter armer behoef des hoefs vors_ vijfteene royale erflijc gemeyns ceys der stat van hasselt Der~weliger hi negen bewijst heet aen zek_e onderpande gelijc in + den p_ncipael brief daer dese brief doer gesteken es volcomelijc begrepen steet ende hi noch sesse royale copen ende bewisen soude den armen vors_ daer hi toe te copene sesse pont g_te in lambrechts wissel van wimmertingen geleecht hadde twintich hollants guldene voer ellijc pont gerekent Hier om doen wij Scoutet ende Scepenen van bennen te weten dat voer ons comen es Peter ot_man mo_bor der armer vors_ ende heet den armen vors_ bewijst twee royale erf~ceys dats te weten aen art nols huys gelegen tusschen huyse kenen vetters ende henrics van tongren enen royael erflijc te sinte Remeys messe te heffene ende aen dangels huys des weeders gelegen tusschen huyse Johans van~eelsrake ende willems van vor~de enen royael erfceys te halven meerte te heffen vort doen wij Scoutet ende Scepenen van buten te weten dat voer ons comen es Peter die mombor vors_ ende heet voer ons bewijst den armen vors_ viere royale erfceys dats te weten twee royale aen zeventeen roden lants die Johan relmek_e haudende es gelegen tusschen erve des~selfs Johans ende willems culsers wijf half te half meerte te heffene ende half te sinte remeys messe ende twee royale aen vive ende twintich roden lants geheiten port~velt gelegen tusschen erve der beghinen van hasselt ende Melis abraens te halven meerte te heffene Jn weligen sesse royalen vors_ wij Scepenen van bennen ende van buten na opdragen ende vertienisse Peters des momboren vors_ kerstiaen mennens ende Johan_e vanden wy_e als meest_e jn + der tijt der stat van hasselt ter armer behoef voers_ gegoet ende geerft hebben met bannen ende allen and_en feesten in onsen hoeven vors_ sculdic te gescieden van recht ende van gewoenten behaudelijc alremallijcs rechts . . Jn orkonde der waerheit hebben wij onse gemeyne segele onser scepen~stoele aen desen brief doen hangen Gegeve_ in + den jare onss h_en duysent dri + hondert negentich ende viere derteen dagen in bramaent