Corpus Van Reenen-Mulder (CRM14): Oorkonde Q020p35201

. . Wir Scepen ghemeynlich der Stad van zitt_t doen kont allen luden die diesen brief s˚elen sien ende h˚ren lezen dat wer ons comen is . johan hit . ende bekande sculdich te wesen van gherechter witteliker Scout . Eersamen luden . ende heren den . . Deken ende den Capitel van sinte peters kerke tot zitt_t . sestijnde half vaet Rogghen / ende eyn half vierdel half der maten van zitt_t g˚eds pachtelics Rogghen alle jaer erflich ende ewelich te betalen op sinte andrijs dach of ombeuanghen . op den jaers~dach daer nae neeste comende ende den vors_ pacht te leu_en in + der vorscreuenre h_en behant op eyne_ sulre die si wisen s˚elen of ymant van h˚re weghen . . Ende om te mere sekerheiden der betalinghe_ des vors_ jaerpachts . . soe haet die vors_ johan den vors_ h_en Tonderpande ghesad . . drie zillen lants / vijftijn r˚eden min . in Tween stucken / alsoe als die vors_ johan dat in Erue ghenome_ heeft van + den vors_ h_en . welcs lants gheleghen sijn ander + halue zille Twelf R˚eden min . bi johans lande hokels . ende ander + halue zille . drie R˚eden min tusschen . didderics lande van ghelene . ende hams lande . mit allen sinen toebehore / alsoe alst gheleghen is . . jn alsulker maniren of dat sake were dat die vors_ johan of sine erfnamen ghebreclich weren jn + der betalinghen des wrscreues jaerpachts in eyn deyl of te~male . . soe mochten die vors_ h_en of h˚er Rentmeister van h˚re weghen des anders daghes nae jaersdach h˚er hant slaen an dat vors_ onderpant soe wie dat gheleghen is / mit vrochte_ mit pote_ en_ mit tunen / ende daer mede doen ghelijc h˚ren erue sonder ymans wedersegghen . . Ende voert . weer dat sake dat die vorscreuen johan dit vors_ onderpant liet eruallen ouermids ghebrechlicheit sijns pachts ende aentaste bome / of tune / of des enighe argheren woude . . soe haet he verbonden daer voer ende tonderpande ghesad alle sijn ghere? g˚ed . . dat die vors_ h_en daer ane varen suelen al went die tijt dat hen verstoert wort ende ghegouden alsulken scade alsi daer af leden in g˚eden trouwen sonder arghelist . jn kennessen der waerheit hebben wir onsen sieghel an diesen brief doen hanghen . . Gegheue_ jnt jaer ons heren dusent drie + hond_t Twe ende vijftich op sinte andrijs auonde . . .